Covalima (RCCT) 24-07-2026-Vice-Primeiru Ministru, no Ministru Dezenvolvimentu Rural no Abitasaun Komunitaria Mariano Sabino Lopes “Assanami” Lansa no Inagura Programa Revitalizasaun Komunitaria iha Suai Covalima.
Iha aktividade Lansa no Inagura Programa Revitalizasaun Komunitaria iha Suai Covalima Vice-Primeiru Ministru, no Ministru Dezenvolvimentu Rural no Abitasaun Komunitaria Mariano Sabino Lopes “Assanami” hateten iha nia diskursu katak osan ne’ebe hetan aprovasaun ba setor produktivu ne’e atu injeta ba to’o iha kraik no la bele han osan refere.
Osan ne’e atu injeta ekonomia iha kraik osan ne’e bolu dehan kail buat ida besi ida kail ne’e o la bele han fali, o han o mate ona tanba uluk ha’u Ministru Agrikultura ne’e kail ne’e mak imi han hela de’it ne’ebe ita nia agrikultura la ba oin, karau ha’u fo hodi ba halo hotu lia ka adat depois la iha tan fali, Hand Traktor fo hodi halai natar ikus fa’an tiha ida ne’e mak ita nia agrikultura la ba oin ne’e, ne’ebe depende vontade ita nia hakarak to’o agora Ministru fahe traktor iha ne’ebe de’it, no trator tau iha ne’eba la troka boracha aat tiha ha’u la Ministru Agrikultura ona mos sei fo sala ba ha’u maibe ida be sosa trator mak tur iha Parlamentu Nasional ne’eba, tanba ita la uja trator ita uja de’it ai-suak oinsa agrikultura bele ba oin tanba ne’e mak ita nia produsaun ne’e ki’ik tanba ne’e ita tenke uja trator atu nune’e ita bele halo kman servisu agrikultura tenke uja teknolojia hodi nune’e joven matenek ne’e ba fali iha ne’eba. Mariano Sabino Lopes “Assanami” hateten.
Vice-Primeiru Ministru, no Ministru Dezenvolvimentu Rural no Abitasaun Komunitaria Mariano Sabino Lopes “Assanami” mos akresenta tan iha nia diskursu katak agora dadaun ministru tau hela osan ba dezenvolvimentu rural oinsa atu fo moris di’ak ba ita nia povu sira ne’ebe iha baze, oinsa atu nesesita sira nia moris.
Lia hirak ne’e Vice-Primeiru Ministru, no Ministru Dezenvolvimentu Rural no Abitasaun Komunitaria Mariano Sabino Lopes “Assanami” relata iha nia diskursu ba aktividades Lansa no Inagura Programa Revitalizasaun Komunitaria iha Aldeia Bibi Atan, Suku Beko, Postu Administrativu Suai, Munisipiu Covalima.
Jornalista Paul Mandeu
