Covalima (RCCT) 24-06-2026-Serviço de Terras Propriedades e Serviço Cadastrais Munisipiu Covalima rejista kazu disputa rai entre komunidade sira no estadu hamutuk 87 liu husi kazu sira ne’e STPSC Munisipiu Covalima esforsu hodi buka tuir nafatin kazu disputa rai hodi fo solusaun tuir dalan legais.
Diretor STPSC Munisipiu Covalima Carlos Caitano dehan kazu sira ne’e rejistradu iha STPSC husi tinan 2025 ate 2026 iha fulan Juñu ne’e balun mak iha ona solusaun no balun sei pendente hela iha ne’e, balun seidauk rejistu, no sei esforsu hodi buka tuir nia solusaun.
Disputa rai kazu ne’ebe mak rejistradu iha STPSC Munisipiu Covalima komesa husi tina 2025 mai to’o iha 2026 Fulan Juñu ne’e total kazu iha 87 kazu liu husi kazu ne’e iha ona Andamentu ne’ebe mak ita halo ona konsolidasaun no hetan ona solusaun ikus na’in sira hetan rezultadu final katak sira simu malu no balun ne’ebe mak atu fahe rai, ita halo tuir sira nia hakarak tuir akordu konkordansia ne’e hotu ita fila to’o terenu halo fahe rai ne’e ba sira tuir akordu ne’ebe mak iha hamutuk 11, iha prosesu nia laran hamutuk 27, pendente hela iha 22, sira ne’ebe mak pendente hela ne’e konforme husi rekerente sira ne’ebe mak hato’o sira nia kazu ikus sira la ativu mai halo konfirmasaun ba sira nia kazu iha Edifisiu Terras e Propriedades no ida ne’e mak pendente hela, ba sira ne’ebe mak ativu hela ne’e mak agora iha 22 kazus ne’ebe mak andamentu la’o hela, tekniku sira halo hela koordenasaun no kontaktu hela rekerente sira oinsa mak kria tempu hodi bele buka solusaun no halo konsolidasaun ba sira nia kazu ne’ebe mak tama iha STPSC Munisipiu Covalima.” Carlos Caitano, relata.
Diretor STPSC Munisipiu Covalima Carlos Caitano relata tan kazu disputa rai iha Covalima barak mak seidauk mai halo rejistrasaun iha Edifisiu STPSC Munisipiu Covalima no kazu sira ne’ebe mak rejistradu Maioria husi Postu Suai.
Kazu barak ne’e sei iha Postu Suai iha Suku Debus, Suku Matai, Suku Beko no Postu Zumalai iha, Postu Tilomar iha kazu disputa rai, restu husi ida ne’e seidauk mai halo rejistrasaun, iha postu tolu ne’ebe rejistradu tanba iha area tetuk entaun sira besik liu ho Instituisaun Estado no iha asesu ba informasaun ho sira nia kazu entaun sira lori sira nia kazu ne’e mai iha Terras e Propriedades alem de ida ne’e sira ne’ebe mak la liu husi Terras e Propriedades iha mos balu mak submete diretamente iha nasional iha komisaun terras ida ne’e mos iha kazu 8 ne’ebe mak semana kotuk parte husi komisaun terras mai halo ona ezame terenu no ba futuru ita hein deit nia rejultadu husi komisaun terras no ba sira ne’ebe mak hetan konkordansia ba parte sira ne’ebe mak halo disputa ba malu.” Tenik, Carlos Caitano.
Dadus disputa rai ne’e Relata husi Diretor STPSC Munisipiu Covalima Carlos Caitano iha nia servisu fatin edifisiu Terras Propriedades Munisipiu Covalima.
Jornalista Paul Mandeu
