Covalima (RCCT) 09-06-2026-STAE Covalima durante fulan Fevereiru to’o Juñu tinan ne’e la produs Eletoral Orijinal ba sidadaun sira tanba la iha Ribon Transfer Film no blanko orijinal.

Diretor STAE Munisipiu Covalima João Tilman relata durante fulan lima ona STAE Covalima la produs Eletoral Orijinal ba Sidadaun ne’ebe trata eletoral tanba dadaun ne’e STAE la iha Ribon Transfer Film hodi emprimi kartaun Eletoral Orijinal ba Sidadaun sira.

Dezafiu ne’ebe mak ami enfrenta mak hanesan Transfer Film Ribon se la sala iha ikus ba fulan Juñu ne’e mai ona atu hodi produs kartaun hirak ne’e tanba ami hein de’it sira nasional haruka mai, maibe kona-ba Blank Card ne’e iha mais ou menus iha Atus Lima resin mak sei iha ne’e no ida Ribon Transfer Film ne’e mak la iha durante fulan haat ou lima ona komesa husi Fevereiru ate Juñu ne’e maibe kona-ba Transfer Film ne’e iha fulan kotuk iha ida haruka husi nasional maibe ami produs kartaun ne’e iha atus lima de’it no produs hotu nia hotu tiha ona, no ami halo pedidu ba nasional maibe sira dehan iha ne’eba mos la iha prontu ami hein no ami hasai de’it foto grafer save hela atu nune’e Transfer Film ne’e mai mak foin ami produs fali, ba sidadaun ne’ebe mak trata kartaun eletoral foun mak ne’e sira lori sertidaun RDTL orijinal no kopia ida no deklarasaun husi Xefe Suku atu nune’e Xefe Suku hatene ema sira ne’e no ami save hela de’it hodi hein material ida Transfer Film ne’e mai foin mak ami bele produs.” João Tilman relata.

Diretora Nasional STAE Tulia Onorinha rekuñese problema ne’e parte Secretariadu Tekniku Administrasaun Eletoral Nasional hahu halo ona Tenderizasaun no posibilidade sei responde iha fulan Jullu tinan ne’e hodi halo atendimentu ba sidadaun sira.

Blanko Eletoral iha hela tinta mak iha hela prosesu Aquizasaun ita hatene katak ita iha tinan ida ne’e iha mudansa ba prosesu aprovizionamentu presija adaptasaun husi Ministeriu hotu hotu, maibe ida ne’e la’os STAE deit mak sofre ba ida ne’e maibe iha ministeriu bar-barak mos iha problema tanba iha mudansa ba ita nia lei sira aprovizionamentu ho ezekusaun orsamentu nian, agora dadauk ita iha faze final ba aquizasaun nian liga liu ba materia Ribon ho Transfer Film atu halo emisaun ba kartaun eletoral maibe la dehan katak atendimentu ne’e para maibe mekanismu seluk bainhira eletor sira mai sira bele uja nafatin kartaun eletoral antigu. Iha prosesu aquizasaun iha ona faze final no hein ida ne’ebe mak vensedor ba tenderizasaun hein hodi sasan sira mai iha fulan Jullu ita inisia ona iha postu sira.” Tulia Onorinha relata.

Tuir dadus husi STAE Munisipiu Covalima total sidadaun ne’ebe tarta eletoral hodi atualiza ba eletoral biometriku hahu tinan 2024 to’o agora hamutuk 2426 (Rihun Rua Atus Haat, Ruanulu Resin Neen).

Jornalista Paul Mandeu