Covalima (RCCT) 2-12-25-Asosiasaun Difisiensia Timor Leste (ADTL) Realiza Seminariu ho Tema “Haburas Sosidade Inkluzivu Ba Ema Ho Defisiensia Hodi Avansa Progresu Sosial” hodi komemora loron munidial ba Ema ho Difisiensia (EhD) iha Munisipiu Covalima, durante loron iha resintu sentru solidaridade Sosial, iha sukabilaran, suai.
Programa ne’e hanesan kompremisiu atu kontinua promove direitu ba EhD no haburas ambiente institusional ida ne’e inklusivu iha timor leste. Ho ida ne’e reprezenta UNICEF iha Timor Leste, Jose Manuel do Carmo dehan, selebrasaun loron Defisiensia ne’e hodi dignifika no valoriza direitu Ema ho Defisiensia sira,
“Kada tinan iha mundo. Iha loron 03 Dezembru sempre selebra loron ida ne’ebé mak espesial ba Ema Defisiensia sira no loron ne’e mak ita hanaran loron Ema ho Defisiensia no kada tinan ita selebra iha tema oi-oin no ita mos iha tema nasional no ita hotu konsidera hodi dignifika no fo valor ba maluk defisiensia tomak, iha tinan ida ne’e UNICEF servisu ba asuntus labarik ho joven liu liu ba sira ne’ebé defisiensia, ohin loron ita hala’o aktividades seminariu Munisipal ita hala’o hamutuk ho reprezentante autoridade munisipal sira oinsa atu ko’alia konaba sira nia asistensia, atendimentu no intervensaun ba Ema ho Defisiensia (EhD).” Jose Manuel do Carmo, relata.
Diretór Sentru Solidaridade Sosial no Inkluzaun (SSSI) Covalima, Agapito Assis relata katak loron ida ne’e nos ai sai prioridade ba governu liu husi Ministeriu relevantes sira ne’ebé servisu hamutuk ho parseirus dezenvolvimentus sira hodi tau atensaun maximu ba maluk ho defisientes sira.
“Ita komesa halo sosializasaun hamutuk ho instituisaun relevantes sira ne’ebÉ ohin ita bele fo sai informasaun balu kada liñas ministeriais sira liu husi Diresaun Servisu Munisipal Covalima ha’u husi MSSI, objetivu husi aktividades ida ne’e oinsa atu fahe informasaun sira konaba ita nia maluk sira defisiensia sira nia direitu no dever oinsa mos papel linas ministerais sira ba maluk defisiensia sira tuir planu estratejiku nasionais hodi tau matan ba Ema ho Defisiensia (EhD).” Dehan Diretór SSSI Covalima, Agapito Assis
Entretantu Selbrasaun loron Munidial Difisiensia ne’e, tinan kotuk realiza iha Munisipiu Bobonaru. Engkuantu tinan ida ne’e selebra iha Munisipiu Covalima iha ne’ebé realiza mos atividade seminariu durante loron rua, hahu iha tersa feira loron 02 to’o kuarta feira loron 3 fulan dezembru 2025.
Jornalista : Paul Mandeu
