Maubise(RCCT) 21-08-25- Mudansa klimatika (bailoron naruk) iha Munisipu Ainaro Postu Administrativu Maubisse, fo impkatu ba ai-fuan Strawberry fo fuan ki’ik no produtor sira labele fa’an iha merkadu lokal.
Xefe Grupu Produtor Aifuan Strawberry, Domingos Nunes hatete, tinan rua ona produsaun aifuan Strawberry ladun fo fuan di’ak relasiona ho akontense mudansa klimatika.
“Maske ami hasoru difikuldade maibe ami nia grupu la lakon esperansa ami nafatin iha vontade hodi kontinua ami nia produsaun,” Domingos dehan.
Engkuantu Aifuan strawberry nudar aifuan ne’ebé sensitivu tebes tanba bainhira udan makas, halo nia fuan dodok no bainhira bailoron naruk, halo nia fuan sai kiikoan.
Entrentatu Grupu Produtor aifuan Strawberry ne’e harii iha tinan 2016 ho nia membru 19, hetan apoiu husi ekipa Avansa Agrikultor, no iha 2019 sira hahu fornese ona ba iha Supermerkadu loja agrikultor sira iha Dili laran.
Jornalista : Julio Salinas
Editor : Chamot Nahac
