Covalima (RCCT) 18-08-25-Sabadu Fim de Semana ne’e (16/08)Partidu Demokratiku (PD) kontinua fo pose ba estrutura baze iha Postu Administrativu Fohorem, Munisipiu Covalima ba periodu 2025-2030.
Iha Serimonia ne’e, Prezidenti Partidu Demokratiku, Munisipiu Covalima, Júlio do Carmo, husu ba estrutura foun ne’ebé hetan konfiansa husi militante partidu kontinua kria relasaun di’ak ho komunidade hotu, la fahe ba kor partidaria no rasa, nune’e bele akumula ema hotu iha Partidu Demokratidu.
“Atu hatete ba estrutura hotu no estrutura sesante katak la iha ida hatete katak nia lakon. Hotu hotu manan, hamutuk atu habelar Partidu Demokratiku iha Postu Fohorem ne’ebé mak ita hasoru eleisaun 2028 Ne’ebe mak tuir mai” Prezidenti Partidu Demokratiku Munisipiu Covalima Júlio do Carmo, hatete.
Kordenador Eleitu PD Postu Fohorem, Fernando Fereira kompromente sei reponsaveliza konfiansa ne’ebé militante sira depozita hodi aprosima nafatin militante sira iha baze alkansa vitoria PD iha Fohorem.
“Ami nafatin atu kolabora hamutuk oinsa maka atu haburas Partidu Demokratiku iha Postu ida ne’e no nafatin atu konvida estrutura tuan atu kolabora hamutuk no nafatin esforsu an oinsa maka atu bele susesu hodi hasoru eleisaun 2028” Kordenador Eleitu PD Postu Fohorem Fernando Fereira, deklara.
Kordenador Sesante PD Postu Administrativu Fohorem, Alarico Agustinho prontu no husu mos ba kordenador eleitu kontinua servisu hamutuk ho militante no mos estrutura tomak iha Aldeia to’o Postu, trasa planu mensal hodi hato’o programa no planu PD nian ne’ebé atu halo iha futuru.
“Ami nafatin kolabora no suporta kordenador ho ninia estrutura tomak ne’eb’e eleitu atu buras no presiza ita demokratika halo mudansa ne’ebé hakarak halo PD ne’e ba futuru ne’e di’ak ba jerasaun ne’ebé la’os ba ema ida rua, tanba Partidu Demokratiku ne’e partidu uniku, ami nafatin metin, ida ne’e maka ami nia mehi durante ne’e” Alarico Agustinho, dehan.
Mini konferensia PD iha Postu Administrativu Fohorem, konfresista sira aprejenta pakote rua, iha ne’ebé Fernando Ferreira ho pakote mak hetan vitoria ho votus 75 husi konfresista hamotuk na’in 122, nune’e Fernando Ferreira hetan oportunidade hodi lider Partidu Demokratiku iha Postu Administrativu Fohorem ba periode 2025-20230
Jornalista : Alfredo Barreto
Editor : Chamot Nahac
