Covalima (RCCT) 13-08-25-Ministeriu Agrikultur, Peska, Pekuaria no Floresta (MAPPF) ne’ebé parseiru Konservasaun Internasional (KI) hamotuk ho Universidade Nasional Timor Leste (UNTL) sei implementa projetu jestaun basias idrografika transfronteira entre Timor-Leste no lndonezia.
Sekretariu Munisipal Administrasaun no Finansa, Alberto Moniz de Araujo, konsidera projetu basias idrografika transfronteira ne’e importante hodi bele hatene no difini konaba fronteira be liu liu konaba mota ne’ebé lokaliza iha area fronteira rai maran entre timor leste ho indonezia.
“Ne’e importante tebes para ita atu hatene no define lolos ona ita nia fronteira be, parte ne’ebe mak ita nian. Mota Masin, ita bo’ot sira hare ema iha sorin ema tau moru protesaun ne’ebé mak forte be iha ne’eba labele sobu. Ita nian iha ne’e mai ne’e la iha moru entaun be ne’e meluap ka mota tun karik fakar hotu mai ita nian.” Sekretariu Munisipal Administrasaun no Finansa, Alberto Moniz de Araujo, dehan.
Tuir Xefe Teknikal Konservasaun Internasional, Natalino Sabo Martins dehan Projetu jestaun basias idrografika transfronteira ne’e sei implementa iha Malaka no Belu NTT Indonezia no mos iha Timor-Leste sei implementa iha Munisipiu Covalima no Bononaro.
“Projetu ne’e ba iha talaun entre Indonesia ho Timor Leste. Iha talaun Loes no mota masin.Projetu ne’e implementa husi nasaun rua iha Timor Leste ho Indonezia. Iha Timor ita impl ementa iha Munisipiu Maliana ho Covalima no iha Indonezia ita implementa iha Kabupaten Malaka, Kabupaten Belu” Natalino Sabo Martins, esplika.
Projetu idrografika transfronteira entre Timor-Leste no Indonezia ne’e sei realiza durante tinan lima ne’ebé hahu ona iha fulan dezermbru 2024 to’o tinan 2030, husi Konservasaun lnternasional (Cl) iha Covalima no Bobonaro.
Notisia Relevante : https://www.rcct.tl/konservasaun-internasional-sosializa-projetu-jestaun-idrografika-transfronteira-ba-komunidade-covalima/
Reportazen RCCT
