Covalima (RCCT) 09-08-25- Relasiona ho Celsia de Fatima Moniz nia foto ne’ebé ema balu fahe tutan husi Pagina Facebook PNTL, publikasaun Lensa loron 08 fulan2025, konaba Komandu PNTL Munisípiu Covalima, kontinua atende hodi fahe formulariu rekrutamentu ba kadetes sira.
Enkuantu iha atividade ba loron dahaat ne’e, Celsisia de Fatima Moniz iha resintu Komandu PNTL Covalima hakarak hetan formulariu hodi aplika ba rekrutamentu PNTL foun 2025, iha ne’eba Celsia uja kamijola eskola nian ho pinta bandeira Indonesia, tan ne’e ema balu fahe tutan ninia foto hodi dun dehan nia (Celsia) ema husi Indonesia mak hakarak mai tuir rekrutamentu PNTL iha Covalima.
Maibe Celsia de Fatima Moniz rejeita basa nia ema orijin husi Munisioiu Covalima, konaba ropa ka faru ne’e nia hetan basa nia rasik nudar bolseira ida husi Ministeriu Agrikultor Pekuaria Peskas no Floresta iha tinan 2022 hodi hala’o nia estudu iha Jawa Barat, Indonesia.
“Iha tinan 2022 ha’u hetan bolus estudu husi ministeriu agrikultor pekuaria peskas no floresta no iha ne’eba ha’u hetan farda husi ami nia eskola refere iha nasaun Indonesia jawa barat no eskola refere ho naran SMK Kehutanan Negri Kabupaten no ha’u remata ha’u nia estudu 2024 no ha’u hahu servisu kedas iha departamentu Korpu Guarda Floresta nudar kontratadu, komu hetan Vaga PNTL, ha’u mos iha inisiativa hakarak koko vaga ida ne’e iha loron sesta dia 8 de Agusto 2025, ha’u mai foti formatu ida ne’e hodi tuir no sukat altura, ha’u uza duni ha’u nia farda ne’e, ne’ebé iha duni bandeira Indonesia husi liman los no iha parte liman karuk ho ha’u nia logo eskola nian, maibe ha’u ema sidadaun timor oan, ha’u mos iha eleitoral no billeti identidade kompletu” Celsisia Fatima, esplika, iha resinto Komandu PNTL Covalima, 09/08.
Tan ne’e Celsia de Fatima Moniz husu ba publika atu hapara fahe tutan nia foto ho deskrisaun dehan nia ema husi Indonesia.
“Ha’u la iha intensaun uza ropa ne’ebé mak ho bandeira Merah Putih ou Indonesia tanba ne’e ha’u husu ba publiku atu hapara share ha’u nia fotografia iha media sosial husi fontes lensa PNTL” tenik Celsia de Fatima
Entretantu Celsisia de Fatima Moniz moris iha Covalima Timor Leste no Inan husi Munisipiu Covalima no Aman husi Munisipiu Bobonaro no agora dadaun Celsia de Fatima ho nia familia hela iha santa rosa, Suku Debos, Postu Administrativu Suai, Munisipiu Covalima.
Jornalista : Alferdo Barreto
Editor : Chamot Nahac
