Covalima (RCCT)12-08-25- Civil Society Education Partichip (CSEP) no Sentru Juventude Covalima (CJC) selebrasaun loron internasional juventude hodi rekuñese papel juventude nasional no implementasaun politika global konaba dezenvolvimentu sustentavel.
Iha selebrasaun ne’e, Diretór Ezekutivu CJC, Julio Ferreira ko’alia iha deskursu katak Juventude Covalima mos iha knar importante atu hatene konaba planu estratejia nasional eduaksaun ninian.
“Importente ba ita nia Joventude sira iha Covalima hodi hare estratejia no planu edukasaun, entaun saida maki ta hotu hakarak halo mak knar hotu hotu nian, liu liu liga ba preokupasaun edukasaun iha timor.” Julio dehan.
Kordenador Nasional, Civil Society Education Partichip (CSEP) Jose de Jesus, iha intrevista jornalista sira dehan iha selebrasaun loron internasional ba joventude ne’e, CJC no CSEP sosializa mos ba foinsa’e sira konaba prinsipiu no valores joventude nian.
“Juventude sira ne’ebé mak ohin mai partisipa iha eventu selebrasaun loron internasional juventude ne’e kompostu husi estudante sira husi ensinu sekundariu jeral no mos eskola tekniku vokasional no mos eskola privadu sira ne’ebé mak kategoria hanesan juventude, selebrasun ne’e tinan-tinan ne’e desde nasoens unidas termina iha tinan hirak liu ba, nasaun hotu hotu selebra loron 12 fulan augustu hanesan loron internasional ba juventude iha mundu tomak” Kordenador Nasional, Civil Society Education Partichip (CSEP) Jose de Jesus.
Entretantu selebrasun loron internasional juventude ne’ebé hala’o iha Muisipiu Covalima ne’e, relaiza iha salaun Sentru Juventude Covalima. Partisipa estudante Sekundaria jeral no teknika vokasiaonal no Eskola privada sira ne’ebé ejiste iha Covalima, inklui estudante sira husi Universidade da Paz Ramu Covalima.
Jornalista : Gabriel Amaral da silva
Editor : Chamot Nahac
