Maubessi (RCCT) 11-08-25-Ospital Referal Maubisse durante ne’e hasoru problema kona ba ekipamentu atu utiliza hodi hasai raan.

Diretór Ezekutivu Ospital Referal Maubisse, Virgilio Mendonça, informa ba jornalista sira iha nia knaar fatin dehan laiha problema konaba medikamentu, rekursu umanus mos sufsiente maibe provizoria  laiha ekipamentu hasai ran kompletu, basa hetan avaria foin dadaun ne’e.

” Atu hatete hanesan ne’e husi diresaun tolu ne’e liliu iha Ospital Referal Maubisse ita ko’alia buat lima, iha orsamentu, iha edifisiu, iha rekursu umanu, iha medikamentu no iha ekipamentus mediku, rekursu umanu ami bele konta ki’ik oan, mesmu ami presija nafatin rekursu umanu iha fatin balu maibe agora daudaun ita bele dehan la barak, maibe sufsiente bele halo servisu, medikamentus sei tama iha standard normal, foin daudauk, ami iha ne’e servisu ida bolu dehan morning report, ne’e kada loron,  unidade ka departamentu ida-idak tenke halo relatoriu eskrita mai hau, Konaba ekipamentus hotu Iha bele lori halo servisu, maibe so iha ida deit ekipamentus ida lori hasai ran kompletu nian ne’e maka agora falla, maizumenus nasional mos hatene tanba ami relata ona ba sira” dehan Diretor Ezekutivu Hospital Referal Maubisse Virgilio Mendonça.

Virgilio Mendonça fundamenta, kuaze tama fulan tolu ona tekniku professional saude sira hala’o servisu atendimentu hasai ran ho metodu manual deit.

“Problema ne’ebé ami hasoru kuaze Tama ona ba fulan tolu, tanba prosesu sasan ne’e mos tenke sosa husi liur, ida ne’ebé at ona ne’e lori ba hadi’a ona iha Dili, durante halo atendimentu ba pasiente Sira ne’ebé presija liu durante ne’e ospital halo de’it atendimentu manual” Nia haktuir.

Durante besik fulan tolu ona mediku sira iha ospital referal Maubisse, nafatin atendu pasiente sira wainhira persija hasai ran, maibe ho manual deit, tanba makina avaria no dadaun ne’e sei halo manutensaun iha nasional.

Jornalista :  Julio Salinas

Editor       : Chamot Nahac