Covaliama (RCCT) 06-08-25-Komandu Polisia Nasiona Timor Leste (PNTL) iha Munisipiu Covalima hahu iha tersa feira semana ne’e hahu simu kandidatura ba Vaga Rekrutamentu Polisa 2025.
Komandante PNTL Munisipiu Covalima Superintendente Assistente Polisia, Inacio Amaral hatete konkursu ba iha ajente polisia foun anunsiu nune’e kandidatura sir abele aplikante tuir diploma ministerial ne’ebé mak aprovadu iha dekretu lei no 17 /25.
“Munisipiu Covalima hahu organiza hahu anunsiu ona no hahu fahe formulariu ba iha kandidatu sira iha covalima hanesan dadauk ita hotu akompaña no ita hotu hare iha Covalima hahu la’o dadauk, iha konkursu ida ne’e ita fo avizu ba ita nia joven sira depois ita fahe dadauk formulariu sira, aplikante sira tuir diploma ministerial ne’ebé mak aprovadu dekretu lei no 17 /25 fo ona baze legal para komandu jeral to’o iha munisipiu hahu loke konkursu ida ne’e ho ninia kriteria sira ne’ebé maka termina iha dekretu lei ne’e” Komandante PNTL Munisipiu Covalima Superintendente Assistente Polisia Inacio Amaral, informa.
Komandante Munisipiu ne’e afirma katak joven sira ne’ebé la priensia kriteria maka Komisaun rekrutamentu sei la fo formatu hodi sai kandidatu ba konkursu kadetes PNTL foun.
“Tuir dekretu lei ne’e hatete ba feto 158 cm, ba altura. Depois ba mane 165 cm, ida ne’ebé mak pasa iha ne’eba maka mai komesa simu format no iha format iha oin tolu primeiru jeral ba aplikante, segundu formatu ba iha xefe suku, Xefe do postu ho komandante eskuadra sira asina. depois sira halo komentariu no sira halo rekomendasaun no iha tan formatu ida ba sira ne’ebé mak inan aman hanesan kombatentes ka veteraus, formatu sira ne’e ita fo para sira foti sira lori ba iha diresaun ida para hetan asinatura no hetan komenrtariu” Inacio Amaral, dehan.
Entretantu Komandu Polisia Nasiona Timor Leste (PNTL) iha Munisipiu Covalima hahu iha tersa feira semana loron 5 fulan augusto to’o loron 29 fulan agostu 2025, komandu PNTL Covalima hahu distribui formulariu kandidatura ba Vaga Rekrutamentu Polisa 2025,
Nune’e komandu Covalima sei hahu fali simu dokumentu husi kadetes foun sira iha loron 12 fulan Augustu to’o loron 9 fulan Setenbru 2025, hafoin submete ba komandu jeran PNTL iha Nasional.
Jornalista : Alfredo Barreto
Editor : Chamot Nahac
