Covalima (RCCT) 11-07-25-Nonu Governu liu Primeiru Ministru Kay Rala Xanana Gusmão hamutuk ho Ministeriu Obras Publiku (MOP) akompaña husi Vise Ministru Obras Publika, Sekretariu Estadu Dezemvolvimentu Lokal (SEDL), Sekretariu Estadu Asuntu Toponomia no Organizasaun Urbana (SEATOU), Prezidente Konsellu Administrasaun Be’e Timor Leste (BTL, E.P), Prezidente Autoridade Munisipiu Covalima, Komandante PNTL Covalima, lansa Fatuk dahuluk ba projetu estrada
Tan ne’e maka, Primeiru Ministru Kay Rala Xanana Gusmão husu ba komunidade tomak liliu ba joven sira atu fo kotribuisaun hodi ajuda tau matan ba servisu konstrusaun no rehabilitasaun Estrada ne’e bele finalza lalais ho kualidade.
“Ohin mai iha ne’e halo lansamentu fatul dahuluk ba Estrada tanba ministru ohin ko’alia ona, imi hein kleur duni maibe iha funu laran mos ita hein kleur tinan 24. Ne’e duni ita iha ona konsiensia, “katak metin ita halo”. Ho ida ne’e mak husu ba komunidade tomak liliu ba joven sira, ajuda mos halo ho servisu ne’e ho di’ak ho lais, la’os lais deit ho di’ak ho lais kria AND para halo hare tuir at karik sobu la selu halo fali” Xanana dehan.
Ba Projetu Estrada iha Covalima, Postu Administrativu Maukatar, Primeiru Ministru, Kay Rala Xanana Gusmão tau konfiansa ba Emrezariu Timor oan atu hala’o servisu ho kualidade.
“Fo konfiansa servisu ho di’ak para ita bele fiar malu, tanba iha 2009 iha programa referendu fo ba iha timor tomak projeitu kiik kiik hodi haburas ona hanoin dehan ita mos bele kaer ita tenki kaer didi’ak tebes, husi liu delapan ratus projetu so 30 resin deit maka la di’ak. Besik 60 maka ladun di’ak, restu kapas hodi haburas ona hanoin timor oan sira mos bele. Lae ita bolu hotu malae sira mak mai husi liur deit mak kaer, ita ba kondutor ba security, ba dasa rai no osan fila fali ba liur. Ne’e duni imi Maukatar nia oan sira buka aprende buka hanoin, buka hatudu imi mos bele” Tenik Xanana.
Projeitu Estrada iha Postu Administrativu Maukatar ho pakote rua, hanesan rehabilita estrada husi suku Ogues ba to’o leogore ho kilometru 10, ezekuta husi join venture entre empreza JLC Lda ho Aitula Lda, rehabilita estrada husi Fohorua suku Ogues to’o Leogore Suku Holpilat Maukatar hamotuk kilometru hitu ho durasaun fulan 18 ho total Orsamentu Hamutuk $ 3.101,895,22.
Engkuantu rehabilita estrada husi fohorua suku Ogues, Leogore no Suku Holpilat Postu Maukatar husi empreza Dany star Unip Lda Join Venture ho DMF unipesoal Lda ho durasaun tempu durante fulan 12 ho total orsamentu $ 2,420.446.93.
Jornalista : Alfredo Barreto
Editor : Chamot Nahac
