Covalima (RCCT) 10-07-25- Komete Krimi Omesidu Agravadu tanba deskunfia oho feto ida ho naran Perigrina da Conceição iha Jakarta2 (Buliko) Area juriduku Munisipiu Ainario iha loron 6 fulan Jullu tinan 2025. Tribunal Judisiál Primeira Instánsia Suai (TJPIS) aplika medida koasaun Prizaun Preventiva (PP) Suspeitu MMS. Engkuantu Krime Omisidiu Agravadu iha Kodigu Penal 139 alinea f, no moldura penal sei hetan pena prizaun tinan 12 to’o tinan 25.

Nune’e Hafoin rona tian desizaun TJPIS iha loron 9 fulan jullu 2025, Defensor Publiku Nelson Saldanha Borges mos esplika katak, meske Tribunal lee sai ona Prizaun Preventiva ba Suspeitu MMS hafoin remata julgamentu primeiru intregatoriu maibe sei iha kontinuasaun ho investigasaun hodi hatene klaru liu konaba motivu ne’e.

“Entaun ha’u labele atu publika ba iha media mesmu media hatene ona iha faceboock, buat hotu Viral los iha ne’eba maibe em termus de kestaun Juridika ninian tanba sei iha faze segredu justisa no sei iha investigasaun ha’u labele transmit lai ba ita bo’ot sira” Defensor Publik Nelson Saldanha Borges, dehan.

Entretantu iha loron 08 fulan Jullu 2025 Tribunal Judisial Primeira Instansia Suai (TJPIS) ne’ebé prodizi husi Juiza Patrícia de A. F. B. M. Xavier, hala’o primeiru intregatoriu. No iha loron 09 fulan Jullu, TJPIS Aplika Medida Koasaun Prizaun Preventiva (PP) ba Arguidu MMS hodi kontinua ba investigasaun tuir mai, basa deskonfia arguido MMS oho Peregrina iha Jakarta-2, Ainaru.

Notisia Relevante : https://www.rcct.tl/tjpis-aplika-medida-koasaun-pp-ba-suspeitu-mms-oho-feto-iha-jakarta-2/

Jornalista : Alfredo Barreto

Editor      : Chamot Nahac