Covalima (RCCT) 07-07-25-Young Southeast Asean Leaders Initiative (YSEALI) Sosializa informsaun konaba Abuzu seksual ba iha labarik feto menoridade sira, Vilensia Domestika (VD) no Violensia Bazeia ba Jeneru (VBJ) ba komunidade no Estudante sira iha Suku Maudemo, Postu Administrativu Tilomar Munisipiu Covalima.
Manajer Projeitu Justisa ba Familia, Nikki D’onofrio hatete atividade ne’e realiza hodi hasa’e kuñesimentu foinsa’e no komunidade nian hodi hases an husi hahalok violensia.
“Aktividade ne’ebé mak ita halo ohin loron ne’e inklui Autoridade Lokal no estudante sira komunidade ita ko’alia liliu ba Violensian Domestika no Violensia Bazeia ba Jeneru inklui Abuzu seksual ba iha labarik menoridade sira no ami servisu hamutuk ho ita nia Governu Lokal sira” Manajer Projeitu Justisa ba Familia, Nikki D’onofrio hatete.
Iha sorin seluk Administrador Postu Administrativu Tilomar, Venancio Sarmento husu ba Joven no Estudante sira atu hadok an husi hahalok Violensia hodi hamenus provokasaun problema iha uma laran.
“Husu ba komunidade sira iha Suku Maudemu atu bele halo prevensaun ba iha ita nia oan sira no joven sira no mos familia hotu hotu ne’ebé mak durante ne’e hamosu violasaun oin hat ne’ebé mak ita hasoru. Tanba ne’e hadok an tanba violensia sira ne’e mak bele hamosu provoka problema iha familia ida idak nian. Ba oin husu ba Joven sira atu halo tuir saida mak ita nia parte Governu no YSEALI ne’ebe mai husi Nasaun Amerikanu ohin mai ne’ebé hatete ona ita tenki prevene an liu husi inan aman nian dedikasaun ne’ebé mak halo rasik iha uma hodi nune’e labele garantia deit edukasaun husi Profesor no profesora sira tanba iha eskola oras ne’e minimu liu duke oras ne’ebé mak inan aman hamutuk ho ita bo’ot sira” Venancio dehan.
Entretantu Sosializa konaba Violensia Domestika no Violensia Bazeia ba Jeneru ne’ebé hala’o iha Suku Maudemo Postu Administrativu Tilomar ne’e Partisipa husi komunidada sira no estudante husi Eskola Sekundaria Jeral Publiku Suai klase paralela Salele inklui Joven no Autoridade Lokal sira.
Jornalista : Alfredo Barreto
Editor : Chamot Nahac
