Covaliam (RCCT) 07-07-25 Hahu husi fulan Janeiru to’o Juñu tinan 2025, SERVE,I.P sukursal Covalima rekolla reseitas hamotuk dolar amerikanu rihun sanulu, atus nen lima nulu resin hitu, sentavus lima lima nulu ($ 10,657, 50) hodi hatama ba kofre estadu.
Kordenador SERVE,I.P Sukursal Covalima, Domingos Gavrila Amaral, hatete osan hirak ne;e rekolla husi reseita Renovasaun no Altersaun dokumentu husi kompañia sira ne’ebé mak estabelesidu Iha Covalima.
“Komesa husi Fulan janeiru to’o juñu ita rekolla reseita hamutuk $ 10,657.50 ba kofre estadu. Reseita Sira ne’e ita rekolla mai husi rezistu, renovasaun no mos altersaun husi kompañia atus hat resin ne’ebé mak halo moris no Renovasaun sira nia aktividades mak Ita rekolla ne’e” Domingos Gavrila Amaral, dehan.
Domingos relata ho estabelesimentu SERVE,I.P, Sukursal Iha Covalima bele hafasil komunidade sira ne’ebé hala’o atividade negosio bele hetan lisensa ho lalais.
“Durante estabele ona SERVE, I.P iha Covalima ita bele halo ona Ita nia negosiante sira ne’ebé hala’o sira nia negosiu iha ita nia Munisipiu Covalima no sira la la’o dook ona fasilita sira besik depois sira bele asesu mos besik la hanesan uluk sira tenki ba Dili no ba to’o Iha Ainaro entaun susar los ba sira mais ho estabelese ona SERVE, I.P, sukursal Iha Covalima katak fasilita ona ita nia komunidade sira ne’ebé hala’o negosiu hetan lisensa fasil no besik” Tenik Nia.
Engkuantu durante fulan janeiru to’o juñu 2025, SERVE,IP Sukursal Covalima, rekolla reseitas kompañia hamotuk atus hat resin ne’ebé mak halo renovasaun no altersaun sira nia lisensa.
Jornalista : Alfredo Barreto
Editor : Chamot Nahac
