Covalima (RCCT) 04-07-25-Servisu Munisipal Obras Publika no Transporte (SMOPT) Munisipiu Covalima Sesta foin lalais ne’e halo monitorizasaun ba reabilitasaun estrada rural ne’ebé implementa iha Diresaun husi Aldeia Bibel ba to’o iha Tobur, Suku Beko, Postu Administrativu Suai.
Diretór Servisu Munisipal Obras Publika no Transporte Munisipiu Covalima, Sidonio Gusmão, hatete monitorizasaun ne’e hala’o hodi observa no garantia kualidade servisu krehabilitasaun Estrada rural iha suku Beko.
“Servisu Munisipal Obras Publika baibain halo intervensaun ba atividades hotu liliu intervensaun ba iha monitorizasaun ne’e atividades prinsipal husi obras publika bazeia ba dekretu lei ne’ebé ejiste no ohin ita halo monitorizasaun ba estrada rural ne’ebé star point husi 0-3 ba iha 12-00 ne’e impoin maka ne’e iha pakote tolu maka iha ne’eba no nia total distansia kilometru-9, ne’ebé ohin ita halo monitorizasaun no ita nia objetivu ba iha monitorizasaun ne’e atu hare liliu ba iha kontrolu kualidade para oinsa ita bele garantia reabilitasaun estrada sira liliu estrada urbana para bele iha kualidade di’ak” Diretór Servisu Munisipal Obras Publika Munisipiu Covalima, Sidonio Gusmão, informa.
Sidonio Gusmão haktuir, liu husi monitorizasaun ne’e atu mos hato’o rekomendasaun balu kompañia sira ne’ebé kaer obra refere atu halo servisu ho kualidade.
“Ohin ita tun ba iha rekomendasaun balu ne’ebé maka ita nota liliu konaba baleta inklui mos konaba planu konkret sira ne’e ita hare no ita konfirma ho kompañia para bele hadi’a ho kualidade ne’ebé mais seguru ba iha tinan naruk nian, tanba ne’e maka obras sempre halo interven bebeik para bele asegura ninia kualidade servisu terenu” nia dehan.
Enkuntu Rehabilitasaun Estrada rural iha Suku Beko ho Distansia kilomentru 9, ne’ebé hala’o husi Kompañia tolu mak hanesan Kompañia Fozu Unipesoal. Lda, Lifran Unipesoal. Lda no kompañia Jijerlam Unipesoal. Lda.
Jornalista : Julio Salinas
Editor : Chamot Nahac
