Covalima (RCCT) 04-07-25-Xefe Suku Paulo de Sena, Sexta Feira ne’e, organiza komunidade Suku Labarai halo limpeza hodi hamos ai ne’ebé moris taka dala iha dalan no mos konsidera bele estraga alkatraun iha Auto Estrada.
Xefi Suku Labarai Paulo de Sena Hatete Atividade limpeza ne’e sei hala’o kada sexta feira hahu iha area Auto Estrada partense ba area Suku Labarai nian ba to’o baliza esntre suku Matai no mos Suku Beko.
“Plano ba oin Sesta ami tenki iha limpeza tan para atu nune’e ita nia Auto Estrada ne’e labele ai ne’ebé mak taka dalan atu nune’e movimentu transporter ba mai asegura ho di’ak, hahu husi kilometru sanulu resin hitu ne’e depois ba to’o Iha ne’e husi Ida ne’e ba to’o baliza ho Suku depois ho Suku Beko depois ba ho Suku Matai” Xefi Suku Labarai Paulo de Sena, hatete.
Komunidade Suku Labarai Helena Soares da Costa louva inisiativa husi Xefi Suku ne’ebé organiza komunidade hodi halo limpeza iha Auto Estrada, tan tuir nia observasaun katak Auto Estrada dadaun ne’e iha alkatraun barak mak kuak kotu no at kauza husi dezastre naturais inklui ai-horis ne’ebé moris iha area Auto Estrada.
“Hau Senti orgullu tanba orientasaun husi Administrador Postu Suai mai to’o Xefe Suku hodi orienta ba Xefe Aldeia sira atu halo limpeza iha Auto Estrada atu nune’e kareta sira halo movimentu ba mai ho di’ak depois ami nia planu sesta oin mai tan atu halo limpeza halo mos liu tan ai sira ne’ebé ohin seidauk hotu no ami sei halo limpeza halo mos liu tan” Helena Soares da Costa, dehan.
Xefe Suku Labarai Organiza Komunidade sira hala’o limpeza iha Auto Estrada Kilometru Sanulu resin hitu ba to’o Kilo metru sanulu resin sia ne’ebé hanesan area baliza entre suku Labarai no Suku Beko Postu Administrativu Suai.
Jornalista : Alfredo Barreto
Editor : Chamot Nahac
