Covalima (RCCT) 03-07-25-World Vision liu husi programa Power servisu hamotuk ho Serve.I.P iha Covalima sosializa informasaun negosiante atu hatene konaba lala’ok trata dokumentu ka lisensamentu negosiu iha okaziasaun ne’e mos SERVE I.P halo rejistu movel ba negosiante sira iha Suku Maudemu, Postu Administrativu Tilomar.
Koordenador Serve.I.P Sukursal Munisipiu Covalima, Domingos Gavrila Amaral, esplika katak liu husi atividade rejistu movel ne’e bele hakbesik liu servisu SERVE, I.P nia ba komunidade sira iha area rural, fasil atu trata sira nia lisensa negosiu, halo renovasaun no mos alterasaun ba sira nia dokumentu negosiu.
“World Vision maka suporta ida ne’e ho ida ne’e ita bele realiza atividade ita bolu dehan registu movel. Registu movel katak serve hakbesik an mai iha komunidade ne’ebé mak iha area rural hodi verrifika no registu ita nia komunidade sira ne’ebé mak hala’o negosiu seidauk iha lisensa hodi bele hetan lisensa tuir tipu ne’ebé mak iha.” Relata Koordenador Serve IP Sukursal Munisipiu Covalima Domingos Gavrila Amaral
Nogosiante husi Suku Maudemo, Carmelita de Jesus, kontente basa SERVE, I.P hamutuk ho World Vision bele hakbesik ba komunidade Negosiante atu trata sira nia dokumentu hanesan lisensa sira konaba sira nia atividade negisiu.
“senti kontenti tebes tamba serve IP bele mai ona iha ami nia suku hodi halo trata ami nia dokumentus lisensa negosiu kiik sira hodi nune’e ami nia negosiu sira iha legal wainhira ami loke negosiu sira ho legal tamba sira ohin mai trata ona ami nia dokumentus lisensa negosiu nian hodi nune’e ami la ba ona suai” senti kontente Nogosiante Suku Maudemo Carmelita de Jesus
Iha fatin hanesan, Reprezentante Xefe Suku Maudemo, Yeni Cristina de Andrade husu ba negosiante sira ne’ebé durante ne’e hala’o atividade negosiu iha Postu Administrativu Tilomar atu bele hakbesik ba iha SERVE, I.P atu halo rezisitu hodi bele hetan lisensa negosiu husi SERVE, I.P.
“Ita ne’ebé mak halo negosiu ki’ik ita bele hetan lisensa husi Serve, I.P atu nune’e ita bele fa’an ita nia sasan sira ne’ebé iha ita nia kios no iha ita nia loja ruma karik ita iha ona lisensa no ita mos bele halo ita nia negosiu ho di’ak ho fatin ne’ebé maka hala’o negosiu ba” Reprezentante Xefe Suku Maudemo , Yeni Cristina de Andrade, dehan.
Aktividade Rezistu Movel ne’e sei hala’o durante loron tolu iha Postu Administrativu Tilomar, Fohorem no Zumalai, hahu iha finta feira no sei termina iha Sabadu fimde semana ne’e. Engkuantu atividade ne’e SERVE, I.P no World Vision raliza tanba hetan Suporta osan husi União Europeia.
Jornalista : Alfredo Barreto
Editor : Chamot Nahac
