Covalima (RCCT) 02-07-25- Afonso Lua Coli da Costa(Atcho) prontu hatan iha Ministeriu Publiku (MP) wainhira hetan notifikasaun konaba keixa ne’ebé Boavintura da Costa hato’o iha loron 01 fulan Jullu 2025, relasiona ho informasaun ne’ebé Atcho publika iha Media Sosial (Facebook).
Maibe Atcho dehan, Informasaun ne’ebé nia lansa iha Facebook ne’e, faktu no realidade, katak ninia osan iha duni Boavintura ne’ebé husu atu utiliza ba trata dokumentu kareta maibe to’o agora laiha rezultadu.
“Laiha ema ida maka atu bo’ot liu lei, Ha’u prontu ba hatan iha kulaker saida deit, ha’u prontu, Tanba saida maka ha’u fo sai iha facebook tanba komesa kedas kareta ne’e atu lori tama mai, nia (Boaventura Xavier) telefoni h’au (Afonso Luacoli da Costa) husi Indonezia ne’eba dehan oi primu kareta hanesan ne’ebe ona, hau dehan ba nia ei hau la hatene dalan ne’ebé o bele ajuda, nia hatan oi di’ak, di’ak, ne’ebé iha dadersan ami sai husi Dili Mota Ain nia husi Indonezia ba hein ami iha ne’eba, ami lori kedas osan nia dehan urus surat ne’e osan ho montante dolar Amerikanu rihun ida atus lima ($ 1.500.00) Paid nian ne’e, hotu osan ne’e ha’u fo ba nia $ 1.500.00 nia lori ba fo ba ema ne’e $ 1.200.00 deit restu ne’e ninian,” Atcho Konta.
“Maibe ema sei tahan tan STNK kareta nian iha Indonezia, depois ha’u husi fali Suai tama ba foti STNK ne’e iha Indonezia fo tan osan $ 200.00, fila fali mai to’o iha uma, kalan ha’u fo tan osan $ 200.00 hanesan sigaru nian, no iha kalan ne’e nia garante katak stiker kareta nian sira ne’e bele halo pedidu para bele ba cabut izin iha batas mai nia urus ida ne’e, urus ida ne’eba labele nia haruka fali kareta tenke ba perpanjang waktu ba fulan ida tan,” deklara Afonso ba jornalista sira iha Suai.
Afonso Lua Coli da Costa (Atcho) haktuir lolos ne’e Boavintura ajuda nia fasilita ninia feton sosa kareta iha atambua indonesia, maibe hafoin simu tia osan ho montante dolar amerikanu rihun rua resin, Boaventura Xavier ladun ona halo komunikasaun, ignora mensajen no la atende telefone.
“To’o iha ida ne’e nia nunka liga buat sira ne’e mai ha’u, iha ne’eba ha’u hatete ba h’au nia feton o fiar mai ha’u tanba buat hotu sei la’o di’ak, tanba nia polisia ida nia urus buat hotu di’ak fiar ba nia, ha’u garante ba nia feton hanesan ne’e polisia ne’e di’ak se buat ruma maka laloos ha’u maka sei fa’an ha’u nia uma ho rai ha’u garante ba o, hau sei selu fali ba o, ha’u maka lakon laiha buat ida, na realidade iha semana ida ne’e ha’u fa’an duni ha’u nia uma ha’u fo ba ha’u nia alin osan ho montante dalar Amerikanu rihun lima ($ 5.000.00) tanba nia buka moris nia kredit tan iha banku nia lori saida maka atu selu, ne’e maka ha’u entrega osan ba ha’u nia alin tenke fo sai iha media sosial facebook, atu nune’e ema hotu bele hatene, nia nunka atende ha’u liu husi mensajen, ha’u telefoni nia nunka atu lee no nia husik liu de’it, ha’u mos hetan presaun husi ha’u nia alin kada loron telefoni husu tuir bebeik halo hau hanoin ne’e barak loos” Afonso esplika.
Molok ne’e Boaventura Xavier, dekalara ba Jornalista sira nia la simu osan husi Atcho, maibe nia fasilita deit hodi orienta Atcho mak na’in ba intrega osan hodi ema seluk mak trata dokumentu kareta nian hanesan PEB no seluk tan iha fronteira mota ain.
“Dehan ha’u halo dokumentus falsu ne’e laloos, dokumentus sira ne’e katak hau halo pedidu ho Paid, hau labele halo pedidu ho paid tanba hau la’os ema ne’ebe halo businessmen tanba hau la’os ema ne’ebe fa’an kareta no hau laos ema ida ne’ebe kona ba pedidu ho paid ne’e maibe ninia nain rasik maka urus hau la urus kona ba ida ne’e” nia dehan.
Enkuantu Boaventura Xavier iha loron 30 de Juñu 2025 hato’o keixa konaba kazu sivil iha Defensor Publiku Suai, no Tersa 01 de Jullu 2025 kontinua hato’o keixa ba iha Ministeriu Publiku Suai, maibe tuir Afonso Lua Coli da Costa (Atcho) hatete hanesan sidadaun Timor oan prontu kualker tempu atu ba hatan no fo dekalasaun wainhira hetan notifikasaun husi Ministeriu Publiku.
Jornalista : Julio Salinas
Editor : Chamot Nahac
