Covalima (RCCT) 26-06-25-Kinta semana ne’e parseiru dezenvolvimentu World Vision Timor Leste (WVTL), realiza enkontru refleksaun trimestral, servisu ba iha programa rai matak ne’ebé hetan apoiu governu Nova Zenlandia hodi implementa iha Postu Administrativu Fatululik, Munisipiu Covalima.
Partisipa iha reuniaun ne’e, Reprezenta Sekretariu Munisipal Asuntu Sosial no Organizasaun Komunitaria, Alipio Gusmão Lopes, hatete, WVTL realiza enkontru ida ne’e hanesan avaliasau hodi hare ba nia implementasaun projetu rai matak iha Covalima liliu iha area refloresta nian.
“Ohin parseiru World Vision ne’ebé hetan orsamentu husi governu Nova Zelandia, tanba ne’e mai halo avaliasaun ida ba iha programa area matak integradu, ne’ebé halo avaliasaun ida ne’e hodi hare projetu ninia implementasaun tomak, iha Covalima, liliu iha Postu Fatululik, tan ne’e xefe suku, voluntariu sira hodi hare lisuk projetu ne’ebé implementa iha Postu, hodi nune’e haree atividade ida ne’ebé di’ak no ida ne’ebé seidauk di’ak atu ita bele hadi’a fali iha futuru. Tanba projetu iha ninia durasaun tempu ne’ebé ita tenke hare oinsa bele sira hadi’a depois bele hare ninia sustentabilidade, World Vision iha nia servisu rasik, maibe hare ba servisu ohin atu halo avaliasaun maka ita hare area matak integradu, liliu haree ba iha refloresta oinsa ita haree ba Fatin ne’ebé risku ba rai monu, ita bele refloresta fali fatin ida ne’e, haree mos ba hortikultura, oinsa maka sira istimula ita nia komunidade rasik haree ona hortikultura, kuda modo atu nune’e sira mos bele hasae produsaun rai liliu iha Covalima” Alipio Informa ba jornalista sira hafoin reprezenta autoridade partisipa iha enkontru avaliasaun servisu ba projetu Rai Matak ne’ebe organiza husi Word Vision, ne’ebe hala’o salaun Joia Kamanasa, Kintal (26/06).
Fatin hanesan Xefe Suku Taroman Leonel Asa, apresia ho programa ne’ebé WVTL implementa iha Suku Taroman, Postu Administrativu Fatululik ne’ebé durante ne’e lao di’ak no mos motiva tebes komunidade sira.
“Tuir ha’u nia observasaun autoridade lokal iha Suku Taroman, emjeralmente iha Fatululik, programa husi ajensia World Vision implementa iha ami nia suku, la’o kapas tebes, hodi motiva ami nia komunidade sira bele prepara sira nia an, oinsa maka sira bele sai hanesan to’os na’in ida prepara ba aban bainrua no mos ba sira nia jerasaun” dehan Xefe Suku Taroman, Leonel Asa.
Enkuantu Wolrd Vision Timor Leste implementa programa rai matak iha Postu Administrativu Fatululik tan hetan osan husi governu Nova Zelandia hodi suporta governu Timor-Leste.
Jornalista : Julio Salinas
Editor : Chamot Nahac
