Covalima (RCCT) 26-06-25- Diretór Exekutivu Asosiasaun Hali Ba Dame (HABADA) Abel Amaral dehan Komunidade liu liu juventude sira tenki iha kuñesimentu konaba oinsa atu halo mapamentu no identifikasaun hodi deskobre problema no fatin risku sira no hodi asegura siguransa iha aldeia no suku ne’ebé sira horik ba.
Abel Amaral dehan lia ne’e hafoin realiza formasaun siguransa komunitaria ba juven sira iha suku Beko Postu Administativu Suai no Suku Maudemu Postu Administrativu Tilomar, Munisipiu Covalima, Kinta semana ne’e.
“Identifikasaun problema ne’e hanesan mapamentu atu asegura aldeia ne’e seguru, familia seguru. Saida mak sira deskobre ohin sira fo sai iha diskusaun ida ne’e la’os HABADA maka hola nota maibe ida ne’e fo lisaun, fo mensajen ba autoridade Postu, Munisipiu no komando atu bele nota katak iha suku no aldeia ida ne’e problema komun mak ida ne’e, entaun la’os HABADA mak atu responde maibe responde ne’e autoridade, sira ne’ebé maka loro-loron hala’o kna’ar iha sira ninia territoriu.” Abel Amaral, dehan.
Reprezenta Polisia Nasional Timor Leste Komandu Munisipiu Covalima, Atual Komandante Operasional, Superintendente Asistente Polisia Joaquim da Costa, informa Politika Governu liu husi Instituisaun Estadu nian Polisia Nasional Timor Leste (PNTL) destaka ona Ofisial Polisia Suku (OPS) atu ajuda lideransa komunitaria sira hodi halo indetifikasaun no rejolve problema ne’ebé komunidade sira hasoru.
“Ita Husi Ona Polisia Suku ne’e iha suku 30, kada suku iha pesoal na’in ida. Ninia objetivu mak atu servisu hamotuk ho Ita bo’ot sira hodi identifika problema no oinsa atu rejolve probela sira ne’e” Reprezenta Polisia Nasional Timor Leste Komandu Munisipiu Covalima, Atual Komandante Operasaun, Superintendente Asistente Polisia Joaquim da Costa, ko’alia iha nia deskursu wainhira reprezenta komandu Munisipiu ba Formasaun Siguransa Komunitaria ba Joven sira iha Sede Suku Maudemu.
Komandante Opresaun PNTL Covalima dehan, Ofisial Polisia Suku, atu hamotuk ho komunidade hodi akompaña situasaun hotu ne’ebé mosu iha sosiedade nune’e be;e garantia situasaun amigabel iha komunidade nia let
Jornalista : Julio Soares
Editor : Chamot Nahac
