Covalima (RCCT) 05-06-25-Administrador Postu Administrativu (APA) Suai realiza reuniaun komunitaria hodi evalua atividade servisu membru konsellu suku iha Labarai hodi alerta ba lideransa komunitaria sira konaba ijene no ordem publiku iklui mos espasu publiku.
Administrador Postu Administrativu (APA) Suai, Ildefonso Maria Amaral, manifesta hanoin ba autoridade suku sira atu alerta nafatin ba komunidade sira la bele husik animal livre hodi perturba movimentasaun iha estrada publiku no mos labele autoriza komunidade sira okupa espasu publiku ba intrese pessoal.
“Ohin ami hala’o reuniaun ida ne’e, oinsa atu halo evaluasaun ba responsabilidade xefe suku sira ho membru konsellu suku sira hotu, ligadu ba sira nia servisu loro-loron, no ami mos ligadu liu ba iha ijena ordem publiku, ami nafatin alerta ba lideransa komunitaria sira atu nafatin alerta ba iha komunidade sira atu hatene espasu publiku nune’e bainhira sira halo uma ka loke kios ruma labele rabat liu ba iha estrada ninin, no oinsa atu tau animal iha nia luhan labele husik livre iha estrada publiku, tanba tempu badak sei aplika lei ne’e, maibe antes atu plika lei refere ita nafatin fo hanoin ba komunidade hodi nune’e bele haloot ka kesi sira nia animal iha nia fatin labele husik livre hodi halo movimentu iha estrada publiku” informa APA Suai Ildefonso Maria Amaral.
Fatin hanesan Xefe Suku Labarai Paulo de Sena, sei kontinua halo enkontru hodi fahe informasaun ba komunidade konaba ijene ordem publiku no mos konaba labele okupa espasu publiku.
“Ohin enkontru lideransa komunitaria foin primeiru ves hala’o iha Suku Labarai, maibe hanesan ohin APA Suai hatete ona katak ita iha dekretu lei ne’ebé defini ona no sei halo tuir ijiene ordem publiku. Animal sira l’ao iha suku laran, atu nune’e tau iha ida-idak nia animal fatin labele halo movimentu ba mai iha estrada publiku sira, tanba kuandu animal husik livre iha bairo laran nia foer bele fo impaktu ba ema nia saude” informa Xefe Suku Labarai.
Enkuantu Xefe Suku Labarai Paulo de Sena hatete hanesan lidarnsa komunitaria sei halo aprosimasaun ho komunidade ezaminasaun informasaun, atu nune’e komunidade na’in ba animal hanesan karau, fahi, bibi no seluk tan bele tau iha nia fatin labele husik livre iha fatin publiku liliu estrada.
Jornalista : Julio Salinas
Editor : Chamot Nahac
