Covalima (RCCT) 03-06-25-Sekretariadu Tekniku Administrasaun Eleitoral kapasita Estudante Sekundaria teknika Vokasional Cristal Suai konaba sistema Resenseamentu Eleitoral
Nune’e Diretór STAE Munisipiu Covalima Francisco Gusmão hatete ba estudante sira iha nivel ensinu sekundaria mak futuru potensia ne’ebé ho idade maioria sanulu resin nen ba leten. Ho razaun ne’e maka estudante sira persija hetan kapasitasaun konaba resensiementu eleitoral molok atinji idade sanulu resin hitu.
“Aktividades ida ne’ebé mak ita implementa iha eskola kristal ne’e ho razaun ida katak atu fo kuñesimentu eleitoral potensial, sira ne’ebé mak tinan sanulu resin nen ba leten atu nune’e sira bele komprende prosesu eleitoral ninian. Tanba ida ne’e mos faze ida ita halo preparasaun ba eleisaun bo’ot ida ne’ebé sei akontese iha 202 eleisaun presidensial. ne’e sira bele hatene prosesu votasaun oinsa atu ezersa sira nia direitu“ Diretór STAE Munisipiu Covalima Francisco Gusmão, esplika.
Entretantu atividade kapasitasaun konaba sistema resenseamentu eleitoral ne’e hala’o iha Eskola Sekundaria Teknika Vokasional Kristal-Suai, ne’ebé hetan partisipasaun husi PNTL Eskuadra Maukatar, CNE Munisipiu Covalima no estudante sira lima nulu resin hitu. Engkuantu tuir planu STAE sei kontinua hala’o atividade hanesan iha Eskola Teknika Vokasional Akar Laran
Jornalista : Alfredo Barreto
Editor : Chamot Nahac
