Covalima (RCCT) 22-01-25 Prezidente Autoridade Munisipiu (PAM) Covalima observa Kompañia Tofranditar Unip,Lda ne’ebé inisia normaliza estrada be mean iha Aldeia Biata Suku Fatuletu Postu Administrativu Zumalai.
Estrada be Mean iha Aldeia Biata hanesan dalan bo’ot ligasaun entre Munisipiu Covalima no Bobonaro ne’ebé durante ne’e komunidade sira utiliza hodi movimentasaun ba mai.
Ho Nune’e, Prezidente Autoridade Munisipiu Covalima Miguel Armada Cardoso “Razao” agradese ba kompañia Lokal Tofranditar ne’ebé inisial organiza Komunidade hodi halo normalizasaun ba estrada be mean.
“Hakarak hato’o agradese ba kompañia lokal Tofrandita Unip.Lda ne’ebe organiza hodi normaliza. Buat balu maski la di’ak liu, maibe bele ona halo movimentu motor ho kareta bele la’o ba mai, no agradese mos ba lider komunitariu sira liliu lider komunitariu husi suku lepo no suku fatuleto ne’ebé mak servisu hamutuk hodi bele ateru estrada ne’e” Miguel Armada Cardoso “Razao” ko’alia ba Jornalista sira iha be mean, Biata Zumalai.
Reprezenta Kompañia Tofranditar Unip,Lda, Anito Jeronimo, dehan empreza iha inisiativa rasik organiza komunidade sira hodi halo normalizasaun ba estrada be mean.
“Kompañaia Tofranditar Unip,Lda indiresu iha suku lepo postu zumalai ninia nia iha responsabilidade” hatete ba Jornalista Reprezentante Konpanaha Tofranditar Unip,Lda Anito Jeronimo
Iha Observasaun Diretór Servisu Munisipal Obras Publiku, Diretór PNDS, Administrador Postu Administrativu Zumalai, PNTL Covalima no autoridade suku sira akompaña Prezindente Autoridade Munisipiu Covalima hodi halo observasaun ba Kompañaia Tofranditar Unip,Lda halo normalizasaun ba estrada be mean iha Aldeia Biata Suku Fauletu.
Jornalista : Alfredo Barreto
Editor : Chamot Nahac
