COVALIMA—–Komandante Polisia Nasionàl Timor-Leste (PNTL), Munisípiu Covalima, Super-intendente, Polisia Basilio de Jesus, informa atividade ilegal as iha lina fronteira Covalima tanba haree liu ba iha ema nia nesesidade umanu obriga.
“Jeralmente ota ko’alia kona-ba atividade ilegal as tebes iha Munisípiu Covalima proprio iha lina fronteira, ita bele defini kategoria ida as liu maka iha postu Tilomar, numeru as liu ne’e iha parte ida ita haree ba iha nesesidade umanu, as liu iha postu integradu ema sosa mina ilegal, ema sosa manu ilegal, sigaru ilegal, sosa motorizada ilegal buat sira ne’e akontese tanba nesesidade umanu mak obriga” deklara Komandante Polisia Nasionàl Timor-Leste (PNTL), Munisípiu Covalima, Super-intendente, Polisia Basilio de Jesus, ba jornalista sira iha nia kna’ar fatin Komando PNTL Munisípiu Covalima, Kuarta (08/02).
Komandante sublina buat sira ne’e akontese ema sosa sigaru ka tabako liu husi dalan ilegal ne’e akontese kada semana.
Nia dehan Covalima iha lina fronteira, no mos iha unidade Patrhulamentu Fronteira (UPF) iha ne’eba maibe numeru atividade ilegal as nafatin ne’e kauza tanba entre postu ida ba postu ida distansia dook.
“Atu dehan ba ita hotu ita iha lina fronteira, ita nia polisia UPF iha ne’eba, maibe numeru ida ne’e as nafatin kauza ne’e husi ne’ebe, sira mos hatene ita mos komprende ho espasu boot tebes ba iha crosing ilegal tanba entre postu ida ba postu ida distansia kilometru 5 to’o 10, tanba ne’e distansia ida mamuk ne’e fo ona vantazen ba ita nia ema sira atu halo atividade ilegais, mesmu ita halo parliamentu, maibe talves ita ohin sai halo paroli hotu fila ba iha postu nia aproveita oras ne’ebe mamuk hodi hala’o atividade ilegal ida ne’e mak sempre akontese” nia relata.
Komandante afirma, hanesan komandante munisipiu saida maka pasu prevensaun, iha fulan Novembru no dezambru tinan kotuk komando munisipiu ho ekipa tun ba iha fronteira hodi hasoru malu ho komunidade hodi hato’o ba sira kona-ba asuntu kontra bandu iha lina fronteira, atu sira bele iha Konesimentu klean kona-ba buat ne’ebe kontra bandu lei la autoriza atu halo atividade ilegal iha lina fronteira.
Komandante dehan atu resolve situasaun sira hanesan ne’e laos polisia mesak, maibe orgaun hotu-hotu ne’ebe nia servisu integradu, interdependente oinsa maka bele resolve no oinsa maka bele redus aktus de krime ho numeru ne’ebe boot tebes ba iha ilegal sira ne’e laos polisia mesak maube orgaun hotu-hotu iha kompetensia iha dever no obrigasaun oinsa maka bele liu husi formasaun, liu husi edukasaun sivika ba iha lina fronteira ba iha komunidade ne’e bele hatene no komprende katak lei ne’e iha duni.(Azu)
