COVALIMA—–Diretor Diresaun Nasional Transporte no Trestre (DNTT) Antonio da Costa, komsidera transporte publiku liliu Bus halai diresaun Suai-Dili ba mai kada pasajeiru selu $ 15.00 ne’e ilegal tanba kontra lei.
Nia sublina oras ne’e DNTT mantein tarefe kada ema selu Bus halai diresaun Suai-Dili no Dili-Suai tenke selu ho $ 12. 00 tenke lao tuir labele ida-idak halo tuir nia hakarak deit.
“Ami mai asegura desizaun ne’ebe ministeriu fo sai, signifika ami mantein tarefe ba pasajeiru kada ema sei selu $ 12.00 ba Bus halai diresaun Suai-Dili no Dili-Suai, maibe ida folin $ 15.00 ne’e ilegal no sira kontra lei” informa Diretor Diresaun Nasional Transporte no Trestre (DNTT) Antonio da Costa, ba jornalosta sira hafoin remata hala’o sorumutu ho grupu Forsa Humanista sira iha salaun Administrasaun Munisípiu Covalima Segunda (13/02).
Diretor DNTT afirma atu aplika lei mos haree ba kondisaun, karik motorista (kondotor) ho pasajeirus (penumpang) iha ona konkordansia bainhira hakarak Bus atu lori to’o pasajeirus nia uma ne’e laiha buat ida bainhira selu $ 15.00 mos maibe bainhira terminal iha ona maka motorista sira kobra pasajeirus sira nafatin ho $ 15.00 maka keisa tama ona iha DNTT ne’e hein prosesu deit.
“Kuandu sira kobra nafatin pasajeirus sira hanesan ne’e nafatin, depois agora ne’e ami hein keixa deit, kuandu keixa tama ona ami hein.prosesu” nia dehan.
Nia afirma bainhira kondotor Bus sira mantein no aplika nafatin tarifa ba kada pasajeirus ho $ 15.00, no keixa ne’e komunidade hato’o ba iha DNTT mak DNTT sei ezekuta ordem hodi buka hapara Bus no sei prosesa no fo multa, tanba saida maka pasajeirus kontinua selu nafatin $ 15.00.
Enkuantu tuir alterasaun Diploma minterial No.2/2003/MTCOP, 3 de Outobru artigu 2⁰, no 1 vigora tabela abaixo indica ba teritoriu nasional no abrengendo as linhas Seku dos Municipios aos Postos Administrativos A Alteração do despacho ministerial No. 013/2012 de 13 de Junho, nas Circulações urbanas segundu a seguinte tabela, linhas de trajectos roda viários nasional e tarifas, Dili- Manatutu $ 2.00, Dili-Baukau $ 4.00, Dili-Lospalos $ 8.00, Dili-Viqueque $ 8.00, Dili-Aileu $ 2.00, Dili-Same $ 9.00, Dili-Ainaro $ 8.00, Dili-Suai $ 12.00, Dili Ermera $ 3.00, Dili- Likisa $ 2.00 no Dili Maliana $ 6.00.(Azu)
