Covalima (RCCT) 04-07–23-Relasiona ho akontese udan boot iha Munisipiu Covalima Durante semana ida, rezulta komunidade nia uma be tama, fasilidade publiku sira hetan estragus inklui bee lori komunidade nia animal hakiak sira hanesan fahi ho manu no estraga plantasaun sira iha to’os laran.
Komunidade afetadu ba inundasaun iha Aldeia Maukola, Suku Beko, Postu Administrativu Suai, José Godinho informa udan tun la para hahu kedas Sesta to’o segunda ne’e rezulta bee tama komunidade nia uma no be lori hotu komunidade nia sasan uma laran hanesan bikan, sanan inklui animal.
“Udan husi semana kotuk ne’e, agora be sa’e tama ami nia uma lori ami sasan uma laran no ami nia manu no fahi” katak Vitima Jose
Iha Sorin seluk Komunidade Tashilin Benvindo Marques dehan iha tempu udan be kareta no motorizada labele utrapasa ba mai tanba be mota sa’e no nakonu iha luron laran.
“Udan nune’e be sa’e nakonu iha estrada laran, ne’e kareta no motor liu araska, ida tanba ponte ne’eba ne’e klot liu, entaun udan be sa’e liu leten” nia dehna
Engkuantu, Xefe Suku Zulo João Lopes de Carvalho, informa relasiona ho udan bo’ot nebe akontense hamosu mota Mola tun makas fo risku ba ponte mola no Auto Estrada hetan ameasa kotu.
Nune’e nia husu ba governu atu orienta IGE ekipamentu Pezadu hodi halo normalizasaun ba mota Mola nune’e bele estraga ponte no auto Estrada inklui komunidade nia uma.
“Husu ba Ministeriu Obras Publiku atu haruka IGE mai para normaliza netik mota ne’e hodi be bele suli tuir nia dalan, tanba mota mola agora atu koa kotu ponte ona, Governu tenki mai normaliza lalais, agora se gvernu la mai lalais mak jalan tol mos bele kotu, ” Xefe Suku Zulo husu
Entertantu to notisia ne publika, akontese udan boot iha Covalima, oras ne’e estraga ona ponte Rai Ketan iha dais no Ponte Lomea iha Aldeia Maukola kotu total, Ponte Maligirik iha Suku Ogues ligasaun Postu Suai no Makatar, amesa kotu, Estrada kotu iha Halis Aularan Ligasaun Postu Suai, Tilomar, Fohorem no Fatumea, Suai Post seidauk Asesu dadus fixu konaba total, komunidade nia uma be tama no estraga, Agrikultor nia plantasaun iha to’os laran, hanesan batar no hare inklui bee lori komunidade nia animal hanesan manu no fahi iha Postu Suai, Tilomar, Maukatar no Zumalai.
Ataku Soares hato’o Reportazen
