Covalima (RCCT) 21-02-24-Komunidade Jacinto Santos hateten Durante tinan barak la asesu ba fasilidade saude ho di’ak maka komunidade iha Aldeia Aitos, Suku Dato Rua, Postu Administrativu Fohorem obrigado tenke leba inan isin rua no ema sira ne’ebé moras grave lori la’o ain buka fasilidade saude.
Tan ne’e, Komunidade Jasinto dos Santos, husu governu atu hari postu saude ida iha Aldeia Aitos, meske molok ne’e fasilidade saude ne’ebé governu hari iha suku Datorua no Kapital Postu Administrativu Fohorem ne’e komunidade labele asesu ho di’ak tanba distansia dok kuaze kilomentru 6 to’o Kilomentru 9, alende ne’e kondisaun estrada mos at.
“Husu ba governu atu tau netik Klinika ida iha Aitos tanba distansia dok liu, bainhira inan feton sira atu partu susar iha ida ne’e tanba kareta la mai tan estrada la di’ak, bainhira inan isin rua sira atu partu dezaraska ami mane sira leba deit inan sira lori la’o ain hodi ba sentru Saude iha Postu Administrativu Fohorem, se lae karik susar, ami telefoni ema nia kareta angguna atu mai mos estrada la di’ak kareta labele mai, tan ne’e ami ejiji ba governu tau matan hadi’a estrada no hari postu saude iha Aitos” informa Komunidade Aitos Jacinto dos Sabtos, ba jornalista sira iha Aitos foin lalais ne’e.
Xefe Aldeia Aitos, Inacio Ximenes, Fundamenta laiha fasilidade saude sai proboema bo’ot ba komunidade Aitos, basa atu hetan tratamentu tenki la’o ain ba to’o Sentru Saude iha Kapital Postu Fohorem no Postu saude suku Datorua ne’ebé ho distansia Kilometru 9 resin.
“Ko’alia konaba saude problema bo’ot ida ba ami, tanba ami komunidade aldeia ne’e bainhira atu hetan tratamentu tenke la’o ain ba iha sentru saude Fohorem no postu saude Suku Dato Rua ida ne’e ho jarak ne’ebé dok tebes, karik ba iha Suku Datorua ho distansia kilometru 9, ba sentru saude Fohorem ho kilometru 6, ne’e maka ami tenke la’o ain ba, difikulta ami maka bainhira ami hasoru moras ka inan isin rua ne’ebé grave dala ruma iha tempu udan ami labele uza transporte hanesan kareta ho motorizada tanba kondisaun dalan la premite, maibe meus ida maka ami tenke leba ema moras ka inan isin rua, ida ne’e pernah akontese iha tinan kotuk liu ba, ami pernah hodi inan isin rua balu bainhira ami leba lori ba iha sentru saude Fohorem no maluk balu moras pernah ami leba ho kadeira lori ba iha sentru Saúde Fohorem” dehan Xefe Aldeia.
Entertantu, Aldeia Aitos hanesan Aldeia ida ne’ebé hela iha area remotas, ho total populasaun hamutuk ema na’in 390, mai husi xefe familia hamutuk 86, Aldeia Aitos dok husi Suku Dato Rua ho distansia kilometro 9 resin no dok husi Kapital Postu Administrativu Fohorem ho distansia kilometro 6 resin, durante komunidade iha Aitos infrenta hela kondisaun estrada at no laiha fasilidade saude atu hodi atende komunidade bainhira hetan moras no inan isin rua atu partu familia buka meus tenke leba lori buka fasilidade saude.
Jornalista : Julio Salinas
Editor : Chamot Nahac
