Covalima (RCCT) 22-02-24-Durante Mandatu hanesan Administrador Postu Administrativu Fohorem, Delfim Amaral sei tau preoridade seitor importante ne’ebé konsidera povu persija liu mak hanesan Saude, Edukasaun no Agrikultur.

Nia hateten sei tau prioridade liu ba estabelesmentu sentru saude iha Aldeia Lorokida no Aldeia Aitos tanba konsidera importante atu salva ema nia vida.

“ha’u iha planu konaba saude, edukasaun no Agrikultor, ne’ebé saude presija liu mak iha aldeia rua, Aldeia Lorokida iha suku Fohorem, ho Aldeia Aitos iha suku Datorua tanba ne’e distansia dok, ha’u mos durante ne’e observa hela maibe tanba dehan katak bazeia ba ita nia orsamentu ne’e maka dehan ita nia k’bit la to’o hodi ida ne’e mak sira la halo, maibe ha’u agora atu inkontru halo asembleia do postu ne’e sira lori mai ami debate liu liu konaba postu saude tanba ne’e importante ba ema nia vida, Lawako iha ona sentru saude, desde iha 2006 ou 2007 ne’e sira halo tiha ona iha sentru saude rua ida iha lawako ho kosilulik, laktos ida ho datorua ida maibe dok liu” Katak APA Fohorem Delfim Amaral.

Autodidade ne’e,relata konaba Proposta rua husi Postu Administrativu Fohorem ne’ebé mak pasa iha Asembelea Munisipal tinan 2023, maibe so bele implementa uluk projetu ida iha tinan 2024.

“2023 ita nia Asemblei sira Aldeia, Suku, Postu hato’o sira nia proposta maibe iha ne’eba dehan katak kada postu fohorem ema fo deit proposta tolu tanba ita nia suku hat deit so uniku Zumalai mak fo hitu tanba sira iha suku 8 ne’ebé iha 2023 ne’e ita nia rua pasa iha ne’eba, maibe to’o atu implementa so ida deit, mak konaba uma ba dotor iha datotolu ne’e, Ida fali hein ba 2025 tanba orsamentu la aprova, ba 2024 ne’e mak ami nia salaun administrasaun atu halo ba oin iha marsu ou April laran ne’e mak ami enkontru dehan katak osamentu iha ne’eba Aprova los ona, sira agora bok hela tenderizasaun iha munisipiu para kompañia ida ne’ebé mak menan nia atu komesa ona servisu” Tenik nia.

Entretantu proposta husi PA Fohorem ne’e pasa iha Asemblea munisipal iha Tinan 2023 mak ida konaba ba Konstrusaun Edifisiu ba dotora sira no ida selu mak halo rehabilitasaun edifisiu administrasaun postu.

Jornalista : Moichung/Julio Salinas

Edior : Chamot Nahac