Iha Lansamentu ne’e Diretór PNDS Munisipiu Covalima Pedro de Araujo Gomes, afirma konaba programa PNDS reguler rua mak implementa iha EBF Audian, seklu 5 orsamentu 2023 konstrui Moru no siklus 6 orsamentu 2024 mak hari uma merenda eskola.

“Liga Ba lansamento ne’ebé mak ita halo ohn loraik ne’e ba iha PNDS reguler siklus 6 orsamentu 2024 kuandu lansamentu ida ne reprezenta suu lima iha postu suai nebe mak ita hili suku kamanasa hanesan algu ida it abele halo lansamentu ida ne’e mos depende desizaun husi ita nia autoridade lokal sira hakarak hili ida ne’ebé mak besik liu entaun ita mai iha edukasaun, ita hili mos EBF ida ne’e tanba Siklus 5 2023 iha ita nia orsamentu transfer tama ona, ida ne’e ita implementa moru hale’u Eskola EBF Audian tan ne’e mak ita hili ida ne’e atu nune’e iha siklu 5 ho siklu 6 implementa hotu iha EBF Audian” Katak Diretór PNDS Munisipiu Covalima Pedro de Araujo Gomes. iha lansamentu fatuk dahuluk hari uma merenda eskolar EBF Audian (11/03)

Iha fatin hanesan, Kordenador EBF Audian, João Amaral orgullu tanba iha portunidade hetan projetu rua husi PNDS iha nia eskola Audian.

“Nudar Kordenador Eskola ha’u senti kontenti tebes, tanba ha’u nia eskola iha oportunidade bele hetan projeutu uma ba merendar eskolar no depois lakleur tan simu Moru hadulas, ne’ebé ha’u agradese tebes ba lider komunitariu no lider lokal suku kamanasa ne’ebé hili ona fatin eskola ida ne’e sai ba alvu projetu” Kordenador EBF Audian, João Amaral espresa.

Nune’e, Sekretaria Autoridade Munisipal ba Asuntu Sosial no Organizasaun, Filomino Cardoso ne’ebé Reprezenta Prezidente Autoridade, husu ba lideransa lokal sira atu halo koordenasaun di’ak ho Koordenador eskola hodi toma resposavelidade, garantia kualidade programa PNDS ne’ebé Implementa iha Eskola Audian.

“Husu Covalima oan Xefe Suku, Apa Suai Vila, Kordenador EBF Audian ho Manorin na’in sira, atu ita hotu mak sai na’in, ita hotu hotu mak sei responsabliza ba obra ne’e ho nune’e bele servisu hamutuk ho EJS, ekipa PNDS Suku, atu bele kontrola obra refere bele konstrui ba ho kualidade” Katak Sekretaria Autoridade Munisipal ba Asuntu Sosial no Organizasaun, Filomino Cardoso iha resinto Eskola Filial Audian, Segunda (11/03).

Entretantu, tuir Diretór PNDS Munisipiu Covalima Pedro de Araujo Gomes dehan Postu Administrativu Suai hetan Programa PNDS reguler hari uma ba merenda eskolar, ida iha EBF Audian, no ida seluk EBF Ladi. Ho tolal orsamentu hamotuk dolar amerikanu rihun tolu nulu resin ria, atus hitu lima nulu ($ 39,750.00).

Jornalista : Moichung

Editor      : Chamot Nahac