Senior Monitoring Evaluation and Gender equality Sosial inclusion officer, Justinho Sarmento Amaral, hateten aktividades ne’e atu konsellu suku sira bele hatene lala’ok krime ne’ebe mak akontese iha sira nia suku ida idak hodi bele halo prosesu ba kazu sira ne’ebe mak komunidade hasoru iha sira nia suku rasik,
“Objetivu husi aktividade ida ne’e atu fasilita lideransa komunitaria sira, konsellu suku sira konaba fahe informasaun no mos fasilita entre rede referal sira no mos apoiu justisa sira, pelemenus bele hetan informasaun hodi fasilita ba prosesu kazu sira iha nivel komunidade, liliu kazu sivil sira, kazu semi publiku no mos kazu krimi publiku sira, liliu kazu krimi publiku sira liliu konaba violensia bazea jeneru ka violensia domestika ne’ebé iha komunidade ida ne’e para atu bele apoiu sira. Pur exemplu kazu ruma akontese oinsa sira atu prosesu kazu ne’e karik iha asistense saida mak sira bele fo e se mak sira bele kontaktu nune’e liga ba kazu krimi publiku, enkuantu iha kazu semi publiku no Sivil sira ne’ebé mak sira halo medeiasaun iha suku kanaba iha suku sira iha regras tarabandu husi suku ida ba suku seluk ne’e iha diferensia nomos pratika sira nemos diferente entaun oportunidade iha bulu sira mai hamutuk para fahe informasaun ba maulu” nia esplika.
Xefe Joventude Suku Labarai, Agostinha Fernandes Freitas, konsidera ho formasaun ne’ebé realiza husi JSMP ho TAF bele fo kuñesementu ba sira konaba rede referal servisu hodi bele asegura komunidade ne’ebé mak infrenta problema iha suku laran.
“Ami senti kontenti tamba liu husi formasaun loron premeiru to’o ohin loron segundu ami aprende buat barak no ami kuñese redi referal ho redi referal refere ami bele ajuda ami nia komunidade sira karik ami nia komunidade sira hetan problema ruma ami bele liga ba iha redi referal refere dialogu ida ne’e ajuda tebes ami oinsa reativa ami nia tarabandu e reativa iha ami nia suku Labarai” katak nia.
Liu husi formasaun ne’e mos atu halo revizaun ba lei tarabadu ne’ebé mak estabelese ona iha suku sira, nune’e bele alineadu ho lei formal sira mak Ijiste.
Entretantu aktividades ne’e hala’o iha salaun Madre Som Orun, orador sira mai husi Pradet, Alfela, Fokupers no RHTO. ne’ebé partisipa masimu husi konsellu suku hat hanesan hanesan Suku Maudemu, Labarai, Ogues, no Debus
Jornalista :Moichung, Matias de Souza
Editor : Chamot Nahac
