Tais Timor-Leste Hetan Ona Rekonesementu Iha Mundu Internasional

COVALIMA—-Ministru Turizmu Komérsiu no Indústria, José Lucas do Carmo da Silva, hateten governu sei halo promosaun ba fatin ida ne’e, tanba iha Timor ne’e hetan rekonesementu iha mundu internasional, sai patrimonia internasional laos iha Timor deit ona.

“Ita nia tais ne’e rasik hetan ona rekonesementu iha mundu internasional sai patrimonia internasional, laos ona Timor deit ona, tanba ne’e hela uitoan ba ita maka traballu de casa, tan ne’e husu atu serbisu hamutuk produs tais halo barak no haree nia kualidade didiak tanba rekonesementu ita hetan ona husi UNESCO, ONU ne’eba” informa Ministru Turizmu Komérsiu no Indústria José Lucas do Carmo da Silva, iha nia intervensaun hafoin hala’o inagurasaun ba Sentru Soru Tais iha Suku Suai-Loro, Postu Administrativu Suai, Sabadu (25/02).

Nia haktuir bele hetan ona rekonesementu iha ona mundu internasional tan ne’e husu atu serbisu hamutuk hodu produs ho nia kualidade halo didiak no produs halo barak liu tan ida ne’e maka governu nia papel oinsa atu halo promosaun tais ba iha rai liur.

Serake ida ne’e bele apoiu iha nasional deit mesak mos sei labele maibe nain hirak ne’e hamutuk maka bele hasae produsaun diak liu tan, tanba iha ona sentru soru tais.

Ministru husu ba grupu soru tais sira atu serbisu maka’as diak liu tan, tanba serbisu governu nian maka halo promosaun, asegura merkadu.

Agora husi governu eziji tebes ba inan feton no maun alin sira ne’ebe halo serbisu kona-ba soru tais ida ne’e, ita lakohi bainhira ema mai vizita sentru soru tais mai hetan fali tais bosan sira iha sentru, ida ne’e labele mai bainhira ema mai vizita hakarak atu haree tais foun no kualidade diak laos haree buat tuan tau iha ne’e.

“Ministériu bainhira presija tais ruma halo export ba iha rai liur tenke husu mai iha ne’e, ita boot sira tenke atende ho kuantidade ne’ebe barak liliu ho kualidade diak, tanba ita rejista iha ne’eba ho nasaun nia naran, tanba ne’e sira ne’ebe produs ne’e tenke harantianinia kualidade” nia husu.

Administrador Munisipiu Covalima Francisco de Andrade, haktuir produtu tais Suai-Loro sai hanesan modelu ba iha mundu ne’e orgulhu yebes tanba ne’e maka ho harii konstrusaun ida ne’e modelu tais iha Covalima bele sai diak liu iha mundu internasional tomak.

Atu hatete mos ba autoridade sira ne’ebe hela iha ne’e katak ohin inagura ona sentru ida ne’e atu hotu-hotu tau matan hamutuk atu kuidadu fatin ida ne’e labele estraga, atu nune’e fatin ida ne’e bele utiliza ba tempu ne’ebe naruk hodi rai produtu tais sira ne’ebe grupu sira soru.

“Tanba ne’e hau husu ba xefe suku, xefe aldeia sira hotu atu tau matan ba fatin ida ne’e, fatin ida ne’e diak ba ita hotu, ne’ebe responsabilidade ne’e laos deit ba iha autoridade maibe ba komunidade sira hotu mos bele tau matan atu ema labele estraga” nia dehan.(Azu)