Covalima (RCCT) 28-02-23–Governu liu husi Ministerio Solidaridade Sosial no Inkluzaun no Ministerio Saunde lansa ona matadalan transferensia no mos halo abertura ofisial ba rejisto Programa Bolsa da mae- jerasaun foun iha munispiu Covalima.
Iha abertura ofisial ba rejisto programa bolsa da mae jerasaun foun iha Covalima ne’e, Diretor Jeral ba Asistensia Sosial iha Ministerio Solidaridade Sosial no Inkluzaun, Lucas Tois hatete munisipiu Covalima mos nudar alvu ida ba espansaun programa bolsa da mae jerasaun foun iha tinan 2023 hamotuk ho munisipiu Likisa, manatutu no Vikeke.
“Ohin ita lansa matadalan transferensia no halo abertura ofisial rejisto orgrama bolsa da mae jerasaun foun, Covalima mos nudar alvu ba espansaun programa ida ne’e, iha tinan 2023 hamotuk ho munisipiu 3 seluk” Katak iretor Jeral ba Asistensia Sosial iha Ministerio Solidaridade Sosial no Inkluzaun, Lucas Tois
Partisipa iha programa ne’e, Administrador Munispiu Covalima, Francisco de Andrade kongratula no orgullu ba VIII governu lideradu husi PM Taur Matar Ruak ne’ebe hatene povu nia moris, hodi bele lansa programa bolsa da mae ba jerasaun foun hodi tau matan ba inan isin rua no fo susu bebe sira nia saudae.
Diretor Servisu Saude Munisipiu Covalima, Maria Fatima Moniz, konsidera Programa Bolsa da mae ba jerasaun foun bele ajuda hadia kualidade saunde ba inan isin rua no fo susu bebe, saude ba labarik ho idade jero no tinan 6, no mos bele redus taxa morbilidade no mortalidade ba labarik sira.
Entretatu Liga ho Programa ne’e mak Administrador Munisipiu Covalima enkoraza inan isin rua sira atu hakbesik ba fasilidade Saude hodi bele halo rejistrasaun nune’e bele hetan apoiu husi governu durante isin rua no fo susu to’o bebe ho idade tinan 6.
Reportajen Ekipa Kobertura RCCT
