Covalima (RCCT) 30-06-23–Comisaun Nasional das Eleições (CNE) iha Munisipiu Covalima atribui sertifikadu Apresiasaun ba Ofisial Suprevisaun Eleitoral ka OSE hamutuk ema nain atus ida resin, iha serimonia Atribuisaun sertifikadu Apresiasaun ba OSE ne Komesariu CNE destakada Munisipiu Aileu no Covalima Carlito Martins rekuñese official no supervisaun eleitoral sira iha Munisipu Covalima dezenpeña duni sira nia k’nar ho responsablidade,
“Sira hatudu ona sira nia sentidu de responsablidade ba kanar ne’ebé mak atribui ba sira, sira desenpeina duni sira nia funsaaun tuir duni padraun ne’ebé mak iha, sira ne’ebé ke ita koloka iha sentru Votasaun sira hala’o duni sira nia k’nar hanesan supervaisor, halo supervisaun ba aktus eleitorais sira hala’o duni, kon sitidu de responsablidade ne’ebé as” Katak Carlito
Carlito fundamenta maske infrenta presaun oioin iha terenu maibe Ofisial supervisor eleitoral sira iha CNE Munisipiu Covalima dezenpeña duni sira nia serbisu ho responsablidade tuir ordem ne’ebé iha no hatudu ona sira sentidu no resposablidade ne’ebé CNE tula on aba sira.
“Mesmu ke iha presaun oioin ita hatene karakter militantes ka ema ne’ebé mak iha duni simpatia tebe tebes ba nepotismu hakarakhalo presaun, afinal ita nia oan sira ne’e sira desenprega sira nia serbisu tuir ona padraun ne’ebé mak iha, hatudu ona sira nia sentidu responsablidade ba iha sira nia knar ne’ebé mak ita atu regula.” Tenik nia
Presidenti CNE iha Timor Leste Jose Belo demostra nia pensamentu no konsidera OSE sira la hanesan funsionariu kontratadu maibe sei konsidera nafatin komitmentu ne’ebé OSE sira iha, iha elisaun tuir mai .
“Ho sertifikadu ne’ebé ami fo se imi fila fali mai parese ke ami sei hare e ami hare imi nia oin uluk elisaun liu ba elisaun tuir mai imi iha nafatin ne’e signifika komitmentu ita iha atu fo serbisu ba ita nia kolega sira, ita nunka konsidera imi hanesan kontratadu, imi la’os ona nomor dua ka nomor tiga imi hanesan ho ami maibe papel mak la hanesan kebetulan ha’u hanesan presidenti tanba moris uluk idade bo’ot uluk” Katak Presidenti CNE iha Timor Leste Jose Belo
Entretantu seremonia atribuisaun sertifikadu apresiasaun b’e realiza quarta ne’e iha salaun STAE Munisipiu Covalima.
Jonarlista : Moi Chung
Editor : CN
