Covalima (RCCT) 05-07-23–Sentru Saude Salele durante infrenta hela menus aimoruk hodi difikulta tebes mediku sira atu hala’o serbisu tun ba iha baze liu husi programa SISCA labele implementa mobil tratamentu kada aldeia.

Xefe Sentru Saude Tilomar Emilio Gomes, hatete relasiona ho aimoruk menus mediku sira labele implementa planu ne’ebe Sentru Saude Tilomar iha atu hala’o serbisu ida ba programa Sisca nian to’o mobil tratamentu kada aldeia labele hala’o.

Xefe Sentru Saude Tilomar haktuir aimoruk laiha difikulta atu bele vizita aldeia hotu kada fulan, no aimoruk item 15 laiha, ne’e hahu kedas husi fulan Janeiru to’o Marsu tinan ne’e.

Xefe Sentru Saude Tilomar dehan alende aimoruk laiha kuandu pasiente sira ne’ebe mai ho kondisaun moras grave labele halo atendimentu maka tenke transfere pasiente ba iha Ospiral Referal Covalima, alende ne’e mos durante ne’e Sentru Saude Tilomar rejista moras as liu maka respiratoriu ka ISPA no diarea inklui moras sira seluk.

Enkuantu maske hasoru difikuldade liliu kona ba menus aimoruk parte mediku sira sei la tuur nonok deit iha fatin maibe buka meus tun sae husu apoiu ba iha munisipiu no postu saude sira seluk hetan aimoruk lalais para hodi halo atendimentu ba pasiente sira.