Covalima (RCCT) 24-02-24-Sabado ne’e Universidade da Paz (UNPAZ) Ramo Covalima hatur fatuk da huluk konstrusaun gruta ba Mahein UNPAZ Ramu Covalima. Hari Gruta Mahein eskola ne’e inisiativa husi senadu estudante kampuz Ramu Covalima no mos hetan kontribuisaun husi Eis estudante sira mak Remata ona liu husi Kampus UNPAZ Ramo Covalima.
Nune’e Diretór UNPAZ Ramo Covalima Silvester Ferreira hateten, nudar umanu bele halo atividade barak maibe ho bensaun maromak deit mak bele heten susesu iha kolker atividade. Tan ne’e molok hahu aula aprendizaze iha tinan Akademiku ida ne’e, UNPAZ Ramo Covalima hari uluk gruta hodi hatur mahein kampus nian nudar naroman ba UNPAZ Covalima.
“Aktividade ida ne’ebé mak trasa ho senado ho nia estrutura depois mai konsulta ho ha’u molok hahu prosesu aprendizazem ba tinan Akademiku ida ne’e entaun ami tenki hanoin ona halo Gruta hanesan mahein ida ba Universidade da Paz Ramu Covalima, tanba ho hanoin ida katak aktividade hotu hotu bele la’o mais ita mos labele haluha fo agradese ba aman maromak atu nune’e aktividade ida ita hala’o iha Ramo Covalima, prosesu aprendizazen tomak no aktividade hotu bele hetan bensaun no tulun husi Nai Maromak” Katak Silvester.
Ho nune’e Diretór Silivester Ferreira, Husu ba estudante hotu iha UNPAZ Ramu Covalima Atu bele fo kontribuisaun servisu ba Obra refere para bele finalize lalais.
“Estudante hotu hotu no Korpu Dosente, Funsionariu Tomak, Gardineirusseikuriti no Estudante husi semester 1,3,5 atu hotu hotu fo kotribuisaun ba Obra refere atu nune’e bele hodi finalize lalais, tanba aktividade ne’e mos servisu hamutuk no hetan apoiu mos husi Alumi sira ne’ebe mak remata ona iha fatin ida ne’e no mos husi estudante sira rasik mak iha ne’e no mos apoiu mos husi parte komunidade rasik ne’ebé, ha’u hanoin obra ida ne’e presiza ita kontribui atu nune’e ba futuru ne’e molok halo aktividade ruma ita bele hato’o uluk lai agradese ba aman maromak no iha gruta ida ne’e, mos hanesan atu halo tuir rekomendasaun ne’ebé mak mai hosi ensinu superior mai iha kampus Ramu Covalima bainhira atu hetan lisensa profisional karik ita mos iha kriateria ida mak tenki iha mos iha fatin ita hasae orasaun” Tenik nia.
Etretantu Partisipa iha Serimonia hatur fatuk dahuluk ba Gruta Mahein UNPAZ Ramu Covalima ne’e mak Alumni sira, Estudante Ativu, Korpu Dosente, Funsionariu UNPAZ Covalima, Marka Prezensa mos husi Komandate PNTL Covalima.
Jornalista : Moichung/Aniceto Mauk
Editor : Chamot Nahac
