Covalima (RCCT) 16-10-2024- Nonu Guvernu liu husi Sekretáriu Estadu Asuntu Toponímia no Organizasaun Urbana (SEATOU) fahe informasaun ba partes relevante kona ba kontinuado dekreitu lei (DL) Toponimia iha nivel nasional no Autoridade Munisipiu.
Diretór Nasional Toponimia, Erminio Moniz, hateten Sosializasaun fo ba liña ministerial sira ne’e para bele realiza atividade aruamentu no numerasaun uma ninian iha Postu Administrativu hotu.
“Halo iha Covalima ne hanesan sosializasaun ka refreshing training ba iha liña ministeriais sira hotu para depois prepara sira ba hamutuk ho asembleia postu administrativu sira para depois bele realiza sira nia enkontru tau naran konaba aruamentu no mos konaba numerasaun das Casas ninian” Diretór Nasional Toponimia Erminio Moniz Ribeiro hatete.
Diretór Obras Publiku Munisipiu Covalima, Sidonio Gusmão, informa liu husi sensiblizasaun ne’e atu Xefe suku sira ho Autoridade Postu bele foti dadus atu bele hato’o iha Konsellu Kordenasaun Munisipal (KKM)
“Ita sei la’o ho nia prosesu ida normalmente ho nia proposta primeiru husi suku depois proposta suku hotu ita sei halo konsultivu iha nivel Postu depois ida ne’e lori mai iha nivel kordenasaun Munisipal depois aprezenta kontinua iha Ministeriu Estatal depois Estatal ita hatene kuandu hetan ona legalidade automatikamente naran sira ne’ebé mai husi komunidade ne’e tama ona entidade rigor” Informa Diretór Obras Publik Munisipiu Covalima Sidonio Gusmão.
Entretantu Sensiblizasaun ne’e hala’o iha salaun Administrasau Postu Administrativu Suai, Partsipa husi Administrador Postu Administrativu sira, Diretór servisu munisipal no xefe suku, Inklui funsionariu sira iha Munisipiiu Covalima.
Jornalista:Moichung
Editor : Chamot Nahac
