Covalima (RCCT) 30-01-25-Diresaun Munisipal Transporte Komunikasaun (DMTK) Munisipiu Covalima halo halibur osa hamotuk dolar Amerikanu rihun sia nulu resin hat, atus nen tolu nulu resin tolu sentavus lima nulu ($ 94,633.50) hatama kofre estadu iha tinan 2024.
Diretór DMTK Munisipiu Covalima, Joaquim Gusmão informa, iha tinan kotuk (2024) rekolla reseitas husi atividade inspesaun inspeksaun ba veikulu, lisensa trajetu, re nova karta kondusaun, troka propritariu hanesan xapa matrikula.
“Diresaun Munisipal Transporte Komunikasoins (DMTK) Munisipiu Covalima ninia reseitas ne’ebé hatama ba estadu durante fulan Janeiru to’o Dezembru 2024 nian hamutuk iha osan ho montante $ 94,633.50, reseita sira ne’e mai husi fontes inspeksaun de veikulu, lisensa trajetu, re nova karta kondusaun, troka propritariu balu, xapa matrikula lakon mai selu fali hodi fo fali xapa foun, troka xapa matrikula husi xapa privadu ba transporte publiku” Diretór DMTK Munisipiu Covalima, Joaquim Gusmão dehan
Nia dehan kompara reseitas ne’ebé DMTK Munisipiu Covalima rekolla iha tinan 2024 bo’ot liu, tanba iha tinan 2023 DMTK Covalima rekolla deit dolar amerikanu rihun nen nulu resin.
“Iha tinan 2024 ne’e ita rekolla reseitas bo’ot liu, tanba hetan osan ho montante $ 94,633.50, maibe iha tinan 2023 hetan de’it reseitas rihun nen nulu resin de’it, rekolla bo’ot liu ne’e konforme konsiensia ba ema sira ne’ebé utiliza veikulu sira ne’e tanba sira hatene katak sira utiliza viatura ho dokumentu ba veikulus ba ita rasik hanesan karta kondusaun wainhira nia liu prazu ita rasik sente katak nia tenke renova, se mate karik, lakohi mai halo renovasaun polisia sira halo auto stop ka check point ne’e konsekuensia ita nian, ho buat sira ne’e hotu maka balu iha ona konsiensia sira mai renova dokumentu karta kondusaun no dokumentu transporte publiku nian maka iha tinan ida nia laran konsege halibur osan ho montante $ 94,633.50 ne’e” nia esplika.
Enkuantu tuir Diretór Diresaun Munisipal Transporte Komunikasaun (DMTK) Munisipiu Covalima, Joaquim Gusmão esplika komunidade sira iha munisipiu Covalima iha ona konsensia rasik hodi halo renovasaun ba karta kondusaun no dokumentu motor. Ho nune’e iha tinan 2024 DMTK rekolla reseita bo’ot tinan 2023.
Jornalista : Julio Salinas
Editor : Chamot Nahac
