Covalima (RCCT) 14-01-25-Durante tinan 2024 nia laran Guarda Floresta sira iha Munisipiu Covalima prende kilat manu hamotuk ualu (8) husi komunidade sira ne’ebé utiliza hodi kasa animal fuik iha ailaran
Nune’e Kordenador Servisu Floresta Munisipiu Covalima, Domingos Gusmão, konfesa ba jornalista sira iha nia k’nar fatin hatete, Guarda Floresta sira pende kilat manu 8 ne’e, wainhira hala’o atividade patrulamentu iha terenu, nune’e kilat hirak ne’e entrega on aba Diresaun Nasional.
“Ami prende kilat anin hamutuk lolon-8 no oras ne’e daudaun ami entrega ona ba iha diresaun floresta nasional, depois diresaun nasional maka halo medida foti desizaun, kilat sira ne’e ami prende iha tempu ami halo patrullamentu ba iha ai laran maka hodi prende husi komunidade sira” informa Kordenador Servisu Floresta Munisipiu Covalima Domingos Gusmão.
Nia haktuir durante halo patrulamentu iha area juridiku Covalima la prende motor sera (Sensor) tanba iha Covalima maioria motor sera sira ne’ebé komunidade iha hodi hala’o atividade ko’a ai ne’e iha hotu lisensa.
“Sim ita ko’alia konaba motor sera ka sensor ko’a ai ne’e ita la prende tanba makina ne’e tenke iha lisensa, sira iha maka foin bele lori tesi ai, maibe laiha karta lisensa maka sira labele uza makina refere lori ko’a ai, tanba kada motor sera ne’e tenke iha nia kartaun depois maka sira bele tesi ai” nia esplika.
Enkuantu tuir Kordenador Servisu Floresta Munisipiu Covalima Domingos Gusmão, relata katak kilat manu ne’ebé prende husi komunidade sira iha tinan 2024 ne’e parte Floresta Munisipiu Covalima entrega ona ba iha diresaun nasional hodi prosesa tuir lei ne’ebé vigora iha Timor-Leste
Jornalista : Julio Salinas
Editor : Chamot Nahac
