Covalima (RCCT) 28-92-25-Iha Periode Janeiru to’o Dezembru 2024 Alfandega Covalima la rekolla reseita husi Aeroportu Internasional Komandante-em Chefe das Falintil Kay Rala Xanana Gusmão no Portu Suai Loro.
Alfandega Covalima la halibur osan iha fatin rua ne’e tanba laiha aviaun mak halo atividade tun no semo iha Aeroportu Internasional Komandante-em Chefe das Falintil Kay Rala Xanana Gusmão nune’e laihia ró mak atraka iha Portu Suai-Loro.
Tanba ne’e Autoridade Aduaneiro Munisipiu Covalima durante tinan 2024 rekolla deit osan husi atividade Importasaun iha pontu entrada Salele hodi hatama ba kaixa jeral estadu.
“Reseitas 2024 nian mai husi Pontu entrada Salele, maske Covalima ita iha fronteira tolu maka halo kontrolu ba Aeroportu, Porto Suai-Loro inklui Fronteira Salele, mais iha 2024 nia laran ne’e atividade ida deit maka la’o iha Pontu Entrada Salele ne’ebé ita kobra taxa, normalmente iha taxa tipu-3 maka ita kobra iha taxa venda (taxa fa’an nian), taxa importasaun depois taxa tolu nian maka konaba Ex size ne’e depende ba ninia tabela sasan saida deit maka kona nia ne’e lei regula kedas ou nia tabela tiha kedas, Diretór Autoridade Aduaneiro Munisipiu Covalima Nuno Nogueira informa ba jornalista sira iha nia kna’ar Ponte entrada Salele Kinta (27/02),
Maske nune’e Diretór Autoridade Aduaneiru dehan iha tinan 2023 Afandega mos rekolla reseita husi atividade sira ne’ebé hala’o iha Portu Suai Loron no mos Aeroportu Suai.
“Total reseitas atu halore ba publiku liliu ba komunidade tomak iha Covalima katak taxa iha 2023 ne’e ita nia atividade explorasaun mina Timor Resource ninian iha Munisipiu Covalima ida ne’e maka aumentu ba taxa rendimentu iha 2023 nian besik osan millaun ida, agora iha fali 2024 nia laran husi Aeroportu ho Portu Suai-Loro nian laiha, ita so iha taxa hetan husi fonteira salele ni’an, signifika taxa iha 2023 nian bo’ot liu kompara ho 2024 nian” nia informa.
Enkuantu iha Periodu 2024 Alfadega Covalima rekolla reseitas husi atividade importasaun iha fronteira postu integradu salele hamotuk dolar amerikanu rihun atus rua hitu nulu resin tolu, atu nen rua nulu resin sia, sentavus hat nulu resi rua ($273, 629.42).
Jornalista : Julio Salinas
Editor : Chamot Nahac
