Covalima (RCCT) 31-01-24–Hahu husi fulan Janeiru to’o Dezembru 2023 servisu Terras Propriedade Munisipiu Covalima halibur reseitas hodi hatama ba kofre estadu hamotuk osan dolar amerikanu rihun lima nulu resin hitu, atus ida neen nulu resin hitu ($ 57.167.00.)
Diretór Servisu Munisipal Terras Propriedade Munisipiu Covalima, Carlos Caitano, hateten osan hamotuk $ 57.167.00 ne’e Terras halibur mai hosi kontratu arendamentu ho tipu abilitasaun ka utilizasaun residensia no utilizasaun komersiais husi parsela 439.
“Reseitas ne’ebé rekolla husi kontratu arendemanetu komesa husi fulan Janeriu to’o Dezembru 31 2023 ne’e total osan ho montante $ 57.167.00 ne’ebé maka ita rekolla husi kontratu arendamentu ho tipu habitasaun ka utilizasaun ba residensia no mos utilizasaun ba komersiais liliu sidadaun sira uza ba loja ka kios, husi tipu rua ne’e mak iha tinan ida nia laran hetan total reseitas ne’ebé ita rekolla hodi hatama ba kaixa jeral estadu ho numeru ida hanesan ne’e, ho total kontratu ne’ebé maka ita foti ona total ne’e 439 parsela ne’ebé maka ita sukat utiliza ba kontratu arendamentu” informa Diretór Servisu Munisipál Terras Propriedade Munisipiu Covalima Carlos Caitano ba RCCT iha nia kna’ar fatin iha Bairo Rompe Suku Debos, Tersa (30/01).
Nia dehan tuir prosedimentu ne’ebé ministeriu justisa iha ona, arendatoriu sira sei lori resivu pagamentu mak hetan husi terras ba selu iha banku, hafoin lori fali resivu orizinal mai halo arkivamentu iha servisu terras Covalima.
“Tuir prosedimentu ne’ebé ejiste iha Ministériu Justisa, Sekretariu Estadu Terras Propriedade iha Gabinete Terras Propriedade no servisu Terras Munisipiu Covalima arendatariu sira mai foti resivu pagamentu iha fatin Servisu Terras Propriedade nian depois maka sira ba selu iha banku ne’ebé ejista iha Covalima, depois ida seluk sira kaer resivu ida no original sira entrega mai iha Terras hodi Sai mos arkivu ba ita, ne’ebé sira rasik maka selu ba iha banku, la’os ita maka ba rekolla ne’e lae so sira mai foti resivu iha ne’e sira lori ba selu iha banku” nia dehan.
Diretór Servisu Munisipál Terras Propriedade Munisipiu Covalima Carlos Caitano mos relata katak durante ne’e Covalima foin maka iha kontratu arendamentu normal hanesan residensia ho komersial, maibe seidauk iha tipu de investimentu,
Jornalista : Julio Salinas
Editor : Chamot Nahac
