Covalima (RCCT) 25-01-24-Durante tinan ida (2023) Bee Timor-Leste Empreza Publiku (BTL, E.P) iha Munisipiu Covalima halibur osan hodi hatama ba kofer estadu hamotuk Dolar Amerikanu rihun rua nulu resin hat, atus rua hitu nulu, setabus neen nulu ( $ 24.270, 60.).

Diretór BTL, E.P Munisipiu Covalima Castro Dody Ramos, ko’alia ba jornalista sira iha nia k’nar fatin dehan durante tinan tomak ida nia laran hahu husi fulan Janeiru to’o Dezembru 2023, BTL,EP Covalima hala’o servisu hodi halibur osan hamutuk Dolar Amerikanu rihun rua nulu resin hat, atus rua hitu nulu, setabus neen nulu ( $ 24.270, 60.) hodi tau ba iha kofer estadu.

“Hakarak atu hatete deit informasaun ba iha publiku kona ba servisu BTL Covalima nian durante iha tinan 2023 liliu foku liu kona ba reseitas ne’ebe BTL hatama ba kofer estadu husi Covalima ita hatama osan ho montante dolar Amerikanu rihun ruanulu resin hat, atus rua hitu nulu sentavus neen nulu ($ 24.270, 60), fontes reseitas ne’ebe ita hetan hodi hatama reseitas ne’e barak liu husi CAN Water ou Wee moos, depois hetan mos reseitas husi tanke maske BTL sei dauk iha tanke maibe komunidade rasik aranja kareta tanke lori mai enxe wee iha Sukabi Laran, ita mos hetan reseitas husi New Conections ba kliente sira iha zona hat nia laran, depois balu hetan husi kustu preparasaun tuir medida kanu sira ne’ebe at iha terenu” nia esplika.

Nia haktuir iha tinan 2023 kliente BTL,EP Covalima hamutuk 1.251, husi numeru ne’e, iha kliente

339 mak instala ona kontador.