Covalima (RCCT) 05-02-24-Iha periode tinan 2023 Pradet ka fatin hakmatek Suai konsege rejista kazu ho tipu la hanesan mai husi munisipiu tolu hanesan Munisipiu Ainaro, Covalima no Manufahi rejista kazu hamutuk 91, nune’e mos tama ba iha tinan foun hahu husi falan Janeiru 2024 kontinua rejia kazu hamutu 13.

Konsellora iha Pradet Fatin Hakmatek Suai, Cariana Elsa Barreto Amaral, ba RCCT iha nia kna’ar fatin Pradeit Suai Segunda (05/02) hateten durante ne’e rejista kazu violensia domestika(Violensia Fisiku) hamotuk 54, violensia sexual 27, abuzu sexual 18, insestu 5 no kazu abandonadu laiha.

“Durante tinan barak servisu atende kliente hanesan violensia domestika, violensia sexual, violensia buzu sexual, insestu no kazu abandona, husi kazu tipu hirak ne’ebé iha fatin hakmatek rejistu ona kazu iha tinan 2023 total kazu hamutuk 91 mai husi munisipiu tolu hanesan Munisipiu Manufahi Ainaro no Covalima, ho kazu hirak ne’ebé iha ho nia tipu maka ohin ha’u temi ona hanesan abandona, insestu, abuzu sexual violensia domestika hirak ne’e mak ho nia total rejista ona iha Pradet Suai, kazu hirak ne’ebé iha prosesu la’o hela iha tribunal, rezultadu hirak ne’ebé hetan ona suspeitu balu tama ona prizaun no kliente balu ami refere ba uma Mahon Salele tanba haree mos ba situasaun kliente ne’ebé nia labele fila ba uma tanba ho risku ne’ebé barak, tan ne’e husi fatin hakmatek Suai servisu hamutuk ho rede referal sira refere kliente barak ba Uma Mahon Salele” deklara Konselor iha Pradet Fatin Hakmatek Suai, Cariana Elsa Barreto Amaral.

Konsellera iha Pradet Fatin Hakmatek Suai, Cariana Elsa Barreto Amaral haktuir iha fulan Janeiru 2024 Fatin Hakmatek Suai rejista kazu 13 husi numeru ne’e, iha kazu insestu 3 mak rezolvidu oan, nune’e vitima sira dadaun ne’e hela iha uma mahon maibe suspeitu sira kondenadu no tama ona prizaun.

“iha Tinan 2024 Fatin Hakmatek rejistu kazu hamutuk 13, ne’ebé kazu insestu agora prosesu hotu ona, ne’ebé sira na’in tolu mai ho kazu insestu tama ona prizaun no vitima na’in rua Pradet Fatin Hakmate Suai refere ba iha Uma Maho Salele tanba ho situasaun risku ba sira, tauk bainhira atu fila ba uma, tan ne’e ho kazu 13 ne’e agora daudaun rejistu ona iha VPU polisia investigasaun no rejistu ona iha tribunal” dehan Cariana.

Entertantu tuir Konsellora iha Pradet Fatin Hakmatek Suai, Cariana Elsa Barreto Amaral, hateten husi numeru kazu ne’ebé rejista, kazu violensia domestika mak numeru as liu hamotuk 54, maibe ba kazu sira seluk numeru ladun bo’ot.

Jornalista : Julio Salinas

Editor : Chamot Nahac