2022 DTPSC Covalima Hatama Osan $ 43,702.00 ba Kofre Estadu
Covalima(RCCT),09-02-23–Diretór Servisu Terras Propriedade no Servisu Cadasterál Munisípiu Covalima, Saul Quintão Cardoso, hateten ,Hahú fulan janeiru to’o dezembru tinan 2022 liuba DTPSC Covalima kontribui ona reseita $ 43,702.00 ba kofre estadu.
DTPSC kontribui Reseita ba kofre estadu iha tinan 2022 liu husi arendamentu ba rai ne’ebé komunidade okupa halo negosiu no kompaña balun okupa barak liu mak okupa rezidénsia iha Munisípiu Covalima.
Barak liu Komunidade okupa rai estadu hodi kontribui arendamentu rai ba kofre estadu iha Covalima hodi halo negosiante, no sira ne’ebé uza rezidénsia Publiku nia volume arrendamentu ladun.
“Hahú fulan janeiru to’o fulan dezembru tinan 2022, Diresaun Servisu Terras Propriedade Servisu Cadasterál Munisípiu Covalima kontribui ona reseita 43,702.00 ba kofre estadu ”, Saul Quintão Cardoso, ba RCCT iha fatin, Santa-Rosa,kinta (09/02)
Maske tinan 2022, Terras no Propriedade Covalima kontribui ona reseita $43,702.00 ba kofre estadu, maibé sidadaun barak kontribui ativa iha ida rua seidauk ativa halo kontribuisaun arrendamentu ba estadu.
“Sidadaun sira selu tarde fulan lima to’o nen ami haruka karta notifikasaun notifika sira bele selu arrendamentu ba estadu balun mós aplika multa 50% bainhira la selu liu fulan nen” nia heteten.
Prosesu komunidade halo arrendamentu selu kada fulan, depende medida rai no uma ne’ebé komunidade sira okupa hanesan sira okupa medida rai luan, no mos bainhira utiliza uma karik mos selu tuir kondisaun uma ne’e di’ak ka at, molok komudade hetan lisensa arrendamentu.
Antes ne’e, loron 12 fulan abril 12 tinan 2022, eis Diretór Terras no Propriedade Munisípiu Covalima, Helder Godinho Martins, informa ona, bazea ba lei númeru 1/2003 ko’alia konaba tipu arredamentu mak hanesan tipu arrendamentu rai estadu no rai pribadu abandonadu hanesan sidadaun Indonesia no portugués husik hela no na’in iha maibe hela Dili sidadaun seluk okupa entaun terras iha kompetensia atu administra .
Sidadaun ne’ebé halo arrendamentu ba estadu selu ki’ik ba sidadaun ne’ebé okupa rai hodi hela, selu de’it $ 10.00 to’o $ 15,00 halo ema aluga selu $ 20.00 to’o $ 30.00
Tuir dadus rejistrada husi Terras no Propridade Covalima, sidadaun selu permante hodi okupa rai estadu hamutuk na’in 48, hahu selu iha tinan 2005 to’o ohin loron no ba sidadaun ne’ebé mak okupa rai pribadu hamutuk na’in 20 resin.
Jornalista : JS
Editor : CN
