Covalima(RCCT) 15-02-23–Diretór Servisu Edukasaun Munisípiu Covalima Rui Amaral Suri Seran, informa 10 de Marsu 2023 data fiksu ona ba edukasaun atu bele halo inagurasaun uluk ba eskola 8 ne’ebé tama iha projetu komunitaria iha Covalima.
“Data 10 de Marsu ne’e fiksu ona ba Munisípiu Covalima, Manufahi ho Baukau ne’e sei inagura iha loron ba projetu komunitaria, ba Covalima rasik ita sei inagura uluk uma 8 hafoin finaliza ninia konstrusaun eskola no rehabilitasaun ba edifisiu eskola” informa Diretór Servisu Edukasaun Munisípiu Covalima Rui Amaral Suri Seran, ba jornalista sira iha nia kna’ar fatin Edukasaun Munisípiu Covalima, Kuarta (15/02).
Diretór Servisu Edukasaun Munisípiu Covalima ne’e afirma lolos ne’e Primeiru Ministru Taur Matan Ruak mak atu mai inagura, maibe PM labele mai tanba ba partisipa inagura eskola iha Baucau, iha Covalima sei mai inagura Vose PM na’in 2 ho MEJD no nia Vise MEJD.
Tuir Suri katak sira atu mai no la mai ne’e depende ba iha sira nia tempu maibe ida ne’e sira nian duni anivel nasional ne’e, ne’ebe 10 de marsu ne’e fiksu ona atu bele inagura eskola sira iha Covalima.
Diretór Edukasaun ne’e garante katak projetu komunitaria ba konstrusaun foun no reabilitasaun ba eskola sira ne’ebe atu inagura iha tempu badak nia laran maioria ho gualidade diak hotu.
Jornalista :JS
Editor : Chamot Nahac
