Covalima (RCCT) 23-01-2024-Sekretariu Munisipiu Covalima Francisco de Jesus Alves, dehan tinan 2024 nakonu ho mehi atu dudu prosesu dezenvolvimentu iha rai Covalima.
Tan ne’e Sekretariu Munisipiu Covalima Francisco de Jesus Alves husu ba sosiedade sivil nudar parseiru atu servisu hamutuk ho administrasaun Munisipiu Covalima hodi servi povu Covalima no dudu prosesu dezenvolvimentu ba oin.
“Iha biban ida ne’e hakarak hato’o mos katak sosiedade sivil hanesan parseiru estratejiku administrasaun Munisipiu Covalima nian ita hotu servisu hamutuk imi hanesan ami nia emar sira, ami tau konfiansa ba ita boot sira, ita boot sira mos tau konfiansa mai administrasaun Munisipiu Covalima ita servisu hamutuk hodi servi povu Covalima no dudu prosesu dezenvolvimentu ne’e ba oin, iha tinan 2024 administrasaun Munisipiu Covalima mos iha nia planu asaun annual hodi foku liu ba infraestrutura baziku sira ne’e, maibe to’o ohin loron ita sei dauk hetan apoiu orsamentu ida ne’ebe boot sufsiente atu bele hala’o dezenvolvimentu iha parte hotu-hotu” informa Sekretariu Munisipiu Covalima Francisco de Jesus Alves iha nia intervensaun hafoin loke abertura ba atividade enkontru aprezentasaun no validasaun ba relatoriu auditoria sosial dadus no deskobrementu ne’ebe Plataforma Nasional Bee Saneamentu no Ijiene Timor-Leste (PN-BESI-TL) ne’ebe hala’o iha Salaun Administrasaun Munisipiu Covalima Segunda (22/01).
Enkuantu Sekretariu Munisipiu Covalima esklarese katak ba tinan 2024 Administrasaun Munisipiu Covalima iha nia planu asaun annual foku liu infraestrutura baziku sira ne’e maibe felismente to’o ohin loron sei dauk hetan apoiu orsamentu ida ke boot no sufsiente hodi bele hala’o dezenvolvimentu iha parte hotu.
Jornalista : Julio Salinas
Editor : Chamot Nahac
