Covalima (RCCT) 17-08-25-Udan bo’ot iha fulan kotuk hamosu inundasaun no fo impaktu ba fatuk monu taka metin Auto Estrada iha KM5, dirasaun husi Tali oan mai Ogues no rai halai hodi estraga Auto-estrda iha dirasuan Labarai.
Administrador Munisipiu Covalima, Afonso Nogueira, informa konaba kondisaun auto-estrada ida ne’e fo impaktu ba komunidade ninia movimentu la’o ba mai liu liu transporte (kareta) atu liu husi Ogues ba Tali Oan tanba fatuk no rai-mutin taka metin dalan.
“ Rai fatuk no rai munu taka metin dalan ne’e tanba kausa udan bo’ot ne’ebe halo rai monu no fatuk taka metin tia Auto-Estrada ne’e” Dehan Administrador Munisipio Covalima ba RCCT iha nia K’nar Fatin Segunda Feira ne’e (17/08/20).
Administrador Munisipiu, afirma, nia parte hanesan Autoridade Munisipiu so bele hato’o deit preokupasaun husi komunidade no Juventude ba Governu, liu husi Ministeriu Obras Publiku (MOP) atu bele tau atensaun hodi nune’e bele responde ba preokupasaun komunidade ne’ebe kestiona ba auto-estrada refere.
“Hanesan Administrador ha’u hato’o deit Preokupasaun ne’ebe komunidade no Joven hato’o ba Governu, maibe ida seidauk hadi’a ne’e responsavelidade MOP nian Atu bele toma atensaun ba Auto-Estrad refere ”. Tenik Afonso Nugueira Nahak.
Relasiona ho kestaun ne’e Diretor MOP-Covalima Alberto Cardoso, Klarifika, nia parte laiha Kompotensia atu foti dezisaun hodi responde ba preokupasaun Komunidade nian konaba rai no fatuk monu taka metin auto estrada refere, Tanba ne’e Responsabilidade Masimu iha Obras Publiku Nasional.
“Ha’u nu’udar derector iha municipal ninian hau sei la iha kopentensia atu foti desizaun ba prekupasaun komunidade nian nebe hato’o hosi Administrador Municipio kona ba iha fulan kotuk udan bo’ot hamosu inundasaun halo rai monu hodi taka dalan Auto-Estrada no labele halo movimentu liu ba mai iha dalan refere”. Dehan Alberto.
Diretor ne’e mos fundamenta MOP Nasional tau ona planu atu halo manutensaun ka suru sai rai no fatuk ne’ebé taka estrada ne’e, maibe nia rasik la esplika ida ne’e atu akontese bainhira.
“Ami mos sempre servisu hamotuk ho Ministerio Obras Publika iha Nasiona tan ne’e ne’e tan ne’e tan agora dadaun sira husi deresaun nasional iha ona planu atu hasai rai no fatuk ne’ebe taka hela dalan iha Auto Estrada.” Tenik Alberto.
Maibe Diretor Sevisu Munisipal Obras Publika Covalima, Alberto Cardoso, dehan, Manutensaun ba Auto Estrada ne’e sei realiza bazeia ba aprovasaun Orsamentu Jeral Estadu.
“Ba inundasaun hirak ne’e ita hein Orsamentu Jeral do Estadu ne’e aprova ona entaun ita bele suru sai iha tinan ne’e laran, maibe OJE mak seidauk hetan aprovasaun hosi ita nia Gevernu entaun bele mos ita hein to’o tinan 2021 oin mai mak ita bele hasai rai hirak ne’e”, katak, Alberto Cardoso”.Alberto Cardoso hakotu.
Jornalista : Jhanu / Jhony
Editor : Chamot Nahac
