Covalima (RCCT) 03-04-25-Prezidente Autoridade Munusipiu (PAM) Covalima Inaugura fatin turismu religiosa iha foho Lakirin ne’ebé konstrui ho Projetu Planu Dezenvolvimentu Integradu Munisipal (PDIM), Orsamentu Jeral Estadu 2023, implementa iha tinan 2024, ho total osan hamotuk dolar amerikanu rihun atus ida hat nulu, atus sanulu resin sia (U$ 140,219.00) Ne’ebé empreza konsege finaliza bazeia ba kontratu.
Prezidente Autoridade Covalima Miguel Armada Cardoso (Razão) hatete informa kompañia Taroman Lakfa Unip.Lda hahu implemeta projetu ne’e ne’e iha fulan Outubru 2024, maske ho osan ne’ebé naton maibe empreza konsege finaliza tuir kalendariu
“Projetu PDIM nian preve osan iha 2023 no ita implementa iha 2024 hahu nia prosesu iha fulan Outobru, lolos ne’e la bele hala’o ona maibe uza ita nia mentalidade ita bele hala’o konsege, ita realiza iha fulan outobru remata iha fulan dezembru 2024” PAM Covalima, Miguel Armada Cardoso (Razão), dehan.
Diretóra Kompañia Taroman Lakfa Unip.Lda Marina Gomes, fundamenta hahu hala’o atividade iha fulan Outobru tinan 2024 no remata iha fulan Dezembru tinan 2024
“Ami hala’o ami nia servisu ida ne’e hahu iha fulan Outobru tinan 2024 no remata iha fulan Desembru tinan 2024 no hahu halo foun ne’e mak gruta no halo moru hale’u no mos halo Gapura oin, moru ne’ebé ami halo ne’e ho medida 15×6 metro no mos pagar ho nia metro total 140 tamba hosi sorin tesik ba 70 metro no sorin mos hanesan 70 metro, no total osan U$ 140.219 ” relata Diretóra Kompañia Taroman Lakfa Unip.Lda Marina Gomes
Fatin turismu religioso iha foho Lakirin ne’ebé lokaliza iha Suku Holpilat, Postu Administrativu Maukatar munisipiu Covalima.
Entretantu partisipa iha serimonia inaugurasaun ne’e mak Prezidente Autoridade Munisipiu Covalima, Diretóra Servisu Munisipal Jestaun Merkadu no Turizmu, Diretór Sevisu Munisipal Aprovizionamentu, Eis Titulares sira, Amu no Madre sira, inklui Administrador Postu Administrativu Maukatar hamotuk ho Komunidade no Joventute sira.
Notisia relevante : https://www.rcct.tl/governu-aloka-osan-rihun-atus-ida-hat-nulu-resin-hodi-konstrui-no-rehabilita-jardim-lakirim-iha-maukatar/
Jornalista : Alfredo Barreto
Editor : Chamot Nahac
