Delegadu Aldeia ne’e saran lian konaba situasaun ne’ebe komunidade Aldeia pelet infrenta mak estrada ladi’ak no mos tempu udan sempre akontese erosaun ka rai halai.

Tan ne’e nia husi ba governu atu hadi’a estrada nune’e bele fasilita komunidade sira lori sira nia produtu lokal ba asesu ba merkadu.

“Iha Ha’u nia Aldeia Pelet ne’e iha foho ita nia komunidade barak maka hela iha ne’eba estrada mos ladi’ak, sa tan tempu udan rai mos hala’i, transporte publiku hanesan kareta ho motorizada tama iha bairro ne’eba mos araska, Ha’u nia ejiji ba governu maka halo estrada di’ak, para Ha’u nia komunidade bele lori sira nia produtu lokal asesu ba merkadu mos ho di’ak, kona ba ahi mos araska dala ruma aliran la to’o, no rin eletrisidade ne’ebe durante ne’e uza ai deit laos besi, maibe iha momentu ne’eba sei tempu partidu politik na’in sira sei lao manas ne’e maka sira maka dada ne’ebe rin sei uza ai maibe oras ne’e ai lahuk hotu ona no balu monu tun ona tanba rai halai hafoin akontese udan, ne’ebe Ha’u nia ejiji ba estadu hadi’aestrada no eletrisidade ba komunidade iha Pelet ne’ebe durante halerik hela” informa Delegada Aldeia Pelet Imelda Britos ba jornalista sira iha Sede Suku Lour, Postu Administrativu Zumalai foin lalais ne’e.

Hatan ba preokupasaun komunidade nian ne’e Administrador Postu Administrativu Zumalai, Alipio Magno, hatete nia parte identifika ona problema infraestrutura tolu maka durante ne’e kmunidade sira infrenta, ne’ebe iklui mos kndisaun estrada ladi’ak iha Suku no Aldeia sira iha Postu Zumalai.

“Indentifika ona problema infraestrutura sira ne’ebé maka Ha’u nia komunidade iha Postu Zumalai infrenta liliu ba estrada, bee moos, eletrisidade no seluk tan, tanba ida ne’e maka parte ba iha Suku Lour Ha’u hatene muito bem. Aldeia Pelet ne’e eletrisidade mos seidauk tama no estrada mos seidauk. Ha’u sei halo Ha’u nia planu, oinsa maka halo Ha’u nia lina kordenasaun liliu planu programa postu ninian Ha’u bele Ha’u bele hato’o ba iha nivel munisipiu atu nune’e ba oin planu sira ne’e bele realiza no fazeadamente” nia dehan.

Enkuantu tuir APA Zumalai Alipio Magno katak Komunidade iha Postu Zumalai Mairia asesu ona ba liña eletrisidade no estrada, hela deit bairo bairu balu husi aldeia sira mak seidauk asesu di’ak ba estrada no Eletrisidade, tanba ne’e APA Zumalai sei esforsu iha nia mandatu hodi responde ba komunidade sira bele asesu ho digno ba eletrisidade no estada.

Jornalista : Julio Salinas

Editor : Chamot Nahac