Covalima (RCCT) 26-11-24-Oras ne’e daudaun Munisipiu Covalima preparadu ona atu selebra komemorasaun loron proklamasaun independensia ba dala 49.
Nune’e Prezidente Komisaun Organizadora Alberto Moniz de Araujo, informa Governu Lokal estabelese ona komisaun ho seksaun hamotuk 15 hodi halo ba selebrasaun loron istoriku 28 de Novembru tinan ne’e.
“Seksaun hamutuk 15 no agora daudaun ami funsionariu sira husi parte ekipa da Isar bandeira mai halo gladi ohin, hodi nune’e aban lokraik tuku 4 misa iha Igraja Ave Maria Suai depois misa hotu lori ai funan ba tau iha momentu masakre Setembru Negro Suai, ida ne’e hodi mobiliza komunidade husi suku 5 partensia ba Postu Administrativu Suai mai iha Kampu Ladi Kamenasa iha 27 kalan halo animasaun ho komunidade depois 28 dader tuku 9 hahu serimonia hasa’e bandeira” informa Prezidente Komisaun Organizadora Alberto Moniz de Araujo, ba jornalista sira iha Kampu Ladi, Kamanasa Tersa (26/11).
Alberto Moniz de Araujo,fundamenta membru governu na’in ida sei destaka mai Covalima sai nudar inspetor da serimonia ba komemorasaun loron proklamasaun independensia badal 49 ne’ebé Covalima sei Realiza iha Kampu Ladi,
“Membru governu ne’ebé maka destakadu mai Munisipiu Covalima maka Ministru Komersiu Indústria, Filipus Nino Pereira, sei marka prezensa iha Suai, ida ne’e fiksu ona” tenik Prezidente Komisaun Organizadora Alberto Moniz de Araujo.
Entertantu ohin ekipa isar bandeira halo ona gladi, maibe konaba orsamentu utiliza ba selebrasaun loron istoriku ida ne’e Prezidente Komisaun Organizadora ladun dekor konaba serteja montante osan ne’e, maibe tuir informasaun katak kada Postu Administrativu ida hetan orsamentu ho montante dolar Amerikanu atus hitu lima nulu ($750).
Jornalista : Julio Salinas
Editor : Chamot Nahac
